Shymkent qalasynyń tabıǵı resýrstar jáne tabıǵat paıdalanýdy retteý basqarmasynyń «Jasyl beldeý» mekemesiniń mamandary bıyl 250 gektar aýmaqqa orman patologııalyq tekserýlerin júrgizgen. Sondaı-aq, orman órtiniń aldyn alý maqsatynda myń gektarǵa jýyq jer ýchaskesiniń 30 shaqyrymyna mıneraldy jolaq júrgizgen.
70 gektar jer jyrtylyp, 60 gektar aýmaqtaǵy aǵashtar kesip, kesilgen shyrpylar syrtqa shyǵarylǵan. 20 gektar aýmaqqa sýǵarý aryqtary jasalǵan jáne 25 gektarǵa egilgen kóshetter arasy qopsytylǵan. Al 25 gektar jerde aram shópter shabylǵan.
Búginde 396 ga jer ýchaskesi tolyǵymen jyrtylyp, aǵash egýge jer daıyndalǵan.
Sonymen qatar, «Badam orman jáne janýarlar dúnıesin qorǵaý jónindegi» MM-ne qarasty orman tuqymbaǵynda egilgen aǵash-kóshetterge kútip baptaý jumystary júrgizilýde. 9 aı kóleminde jalpy 2 ga jerge sýǵarý, aram shópterden tazartý jáne mıneraldy tyńaıtqysh engizilgen. Atap aıtqanda, 500 kg emen tuqymy 0,3 ga jerge sebildi, 80 kg qaraǵash tuqymy jınalyp, 0,5 ga jerge sebildi, 200 kg órik, 20 kg shabdaly, 5 kg shıe (chereshnıa), 2 kg alma jáne 5 kg almurt, qara órik 5 kg, badam 80 kg, taý pistesi 10 kg, emen 850 kg, sýmah 20 kg, katalpa 35 kg, gledıchııa 10 kg, boz arsha 3 kg tuqymdary jınaldy.
Odan ózge, basqarma mamandarynyń málimetinshe, 11 ga alyp jatqan Shymsaıa shatqalynda da egilgen aǵash-kóshetterge kútip-baptaý jumystary júrgizilýde.
Shymkent qalasy ákiminiń baspasóz qyzmeti
