Amerika Qūrama Ştattarynyŋ jaŋa prezidentı bolyp Demokrattar partiiasynyŋ müşesı Djo Baiden sailandy. Ol közboiauşylyqpen «sailau ötkızılıp» taǧaiyndalǧan joq, ony Amerikanyŋ 200 millionnan astam är türlı etnostardan ǧana emes, är türlı näsılderden qūralǧan, är türlı dınderge siynatyn halqy qyzu tartysta sailady. Būl jeŋıs Djo Baidennıŋ nemese demokrattardyŋ ǧana jeŋısı emes, būl bostandyq süigış Amerika halqynyŋ ūly jeŋısı!
Menıŋ dosym Serıkjan Biiaş Donald Trampqa janküier boldy, sebebı ol Qytai halyq Respublikasynyŋ Şyǧys Türkıstandaǧy genosidtık saiasatyna qarsy prezident boldy, osy baǧytta köp jūmystar atqardy, tıptı zaŋ qabyldatyp ülgerdı. Ärine men de, köptegen qazaqtar, ūiǧyrlar, qyrǧyzdar tek osy maqsatta D. Tramptyŋ jeŋısın tıledık, bıraq sailaityn bız emes, Amerikalyqtar, al olar öz taŋdauyn jasady.
Ne sebeppen D. Tramp jeŋılıske ūşyrady? Oǧan qytai kommunisterınıŋ qandai yqpaly boldy?
Eşqandai! Sebebı D. Tramptyŋ ıs-äreketı Amerika halyqtarynyŋ oi-nietımen sabaqtasyp jatyr, ol amerikandyqtar basqaşa oilasa QHR kommunistık bilıgıne aşyq qarsy şyqpas edı.
Jeŋıske jetken Djo Baiden de D. Tramptyŋ Qytai kommunisterınıŋ qanqūily saiasatyna qarsy bastap ketken jūmysyn jalǧastyra beredı, sebebı ol Amerika halqynyŋ talaby, demokratiialyq jolmen sailanǧan prezident öz halqynyŋ oiymen sabaqtas qimyl jasaidy.
Sondyqtan qazaqtardyŋ, onyŋ ışınde menıŋ dosym Serıkjannyŋ D. Baiden qytai bilıgıne qarsy kelmeidı, onyŋ Şyǧys Türkıstandaǧy genosidtık saiasatyna köz jūmyp qaraidy degen qorqynyşy beker. Tıptı demokratiialyq partiianyŋ müşesı retınde Djo Baiden qytai kommunisterınıŋ adamzatqa qarsy jasap jatqan genosidtık saiasatyn būrynǧydan da qatty synǧa alady.
Sonymen ädıl sailauda D. Tramp ne üşın jeŋıldı? Onyŋ bırden-bır sebebın Amerika halqynyŋ mınezınen ızdeu kerek. Amerika halqy tek aq näsıldılerden ǧana tūrmaidy, qara, sary tüstıler el halqynyŋ jartysyn qūraidy. AQŞ-ta äsırese meksikalyqtar, oŋtüstık Amerika qūrlyǧynan kelgen sary tüstıler köp.
D. Tramp mınezınıŋ tıkelıgınen halyqtyŋ osy bölıgınıŋ narazylyǧyn tuǧyzdy, mysaly aşyqtan aşyq sarylardy elge kırgızbeimın dep, Meksikamen şekaraǧa qorǧan sala bastady. Onyŋ bilıgı kezınde näsılşıldık saiasattyŋ öteuı retınde aq näsıldıler qara näsıldılerge artyqtau bergen qūqyqtar şektele bastady, būl zaŋdy äreket qara näsıldılerdıŋ aşu-yzasyn tuǧyzdy.
Amerika halqy 1775/1783 jyldardaǧy Täuelsızdık üşın kürestıŋ nätijesınde paida bolǧan bostandyq süigış jauynger halyq. Keiın būl halyqqa kıleŋ erkın oily, tentek mınezdı, aqyldy, bostandyq süigış azamattar barlyq elden aǧylyp, Amerika Qūrama Ştattary halqy qalyptasqan. Tıptı 19 ǧasyrdyŋ jartysyna deiın kärı qūrlyqtan da erkın oily azamattar būl elge keluın toqtatpaǧan. 1920 jyldary būǧan zaŋmen şekteu qoiylsa da, būl elge bostandyq süigış ozyq oily adamdar qonystanuyn toqtatpady. Mıne, Amerika halqy degenımız kımder?!
Al D. Tramp özınıŋ tıke mınezımen, iaǧni avtoritarlyq basqaru täsılımen osy bostandyq süigış halyqtyŋ köŋılıne kümän saldy.
Amerika halqy eşqaşan, eşqandai jaǧdaida özderıne diktator tügılı, ūrdajyq adamnyŋ avtoritarlyq basqaruyna jol bermeidı! Mıne D.Tramptyŋ jıbergen qatelıgı, ol Amerika halqymen özınıŋ biznes mekemesı qyzmetkerlerın şatastyryp aldy. Batyr aŋqau, er küdık degen osy!
Ainalaiyn qazaǧym! Bız de tarihy san ǧasyrlarǧa ketken, bostandyq süigış kök börınıŋ ūrpaqtarymyz! Qazaq ūlty Özbek handyǧynan osy bostandyq süigış mınezıne bola bölınıp, jeke otau qūrǧan, keiın bostandyq süigış arda qazaqpyz degen köşpelı türıkter jan-jaqtan qosylyp Ūly Qazaq Handyǧyn qūrǧan! Ärine 200 jyldan astam uaqyt Reseidıŋ bodany bolu qazaqqa köp qasıret alyp keldı, qūldyq sanaly qazaqtar da paida boldy. Bıraq elu jylda el jaŋa, egemendık alǧanymyzǧa da 30 jyl toldy. Endı bızge de el tızgının öz qolymyzǧa alyp qazaqstandyqtarmen sanasatyn, halyqty öz menşıgım dep emes, özımnıŋ qojaiynym dep qaraityn prezident, deputattar, äkımder sailap alatyn kün tudy!
Osy Amerika halqynyŋ sailauy bızderge jūǧysty bolsyn!
«Azamat jünjıme, jürme bos.
Qol ūstas bırıgıp tıze qos.»
