Memleket basşysy Qasym-Jomart Toqaev özınıŋ 2019 jylǧy 2 qyrküiektegı «Syndarly qoǧamdyq sūhbat - Qazaqstannyŋ tūraqtylyǧy men güldenuınıŋ negızı» atty halyqqa Joldauynda «Estuşı memleket» tūjyrymdamasyn ıske asyryp, azamattyq qoǧamdy nyǧaituǧa şaqyrdy.
«Azamattardyŋ barlyq syndarly ötınış-tılekterın jedel ärı tiımdı qarastyratyn «Halyq ünıne qūlaq asatyn memleket» tūjyrymdamasyn ıske asyru – bärımızge ortaq mındet. Bilık pen qoǧam arasynda tūraqty dialog ornatu arqyly ǧana qazırgı geosaiasi ahualǧa beiımdelgen üilesımdı memleket qalyptastyruǧa bolady»,-dedı ol.
«Estuşı memleket» tūjyrymdamasy aiasynda qandai şaralar jüzege aspaq?
Eŋ bırınşı tūjyrymdamanyŋ eŋ basty qaǧidatynyŋ mındetıne toqtalyp ötelık. Ol — memlekettık organdardyŋ aşyqtyǧy. Osy oraida myna şaralar jüzege asuy tiıs:
Bırınşı. Partiia qūrylysy üderısın jalǧastyru
Ekınşı. Halyqpen tiımdı kerı bailanys ornatu
Üşınşı. Mitingter turaly zaŋnamany jetıldıru
Törtınşı. Qoǧamdyq kelısımdı nyǧaitu
Tūjyrymdama qalai ıske asyp jatyr?
Ūlttyq qoǧamdyq senım keŋesınıŋ qūryluy – Prezidenttıŋ eŋ maŋyzdy bastamasynyŋ bırı. Ol 2019 jyly 17 şıldede qūryldy. Negızgı maqsaty – jūrtşylyqtyŋ, saiasi partiialardyŋ, azamattyq qoǧamnyŋ ökılderımen keŋınen talqylau negızınde memlekettık saiasattyŋ özektı mäselelerı boiynşa ūsynystar men ūsynymdar tūjyrymdau.
Sondai-aq, memleket basşysy Aqorda saitynda Virtualdy qabyldau aşqan bolatyn. Bügınge deiın oǧan 9 myŋǧa juyq hat kelıp tüsken.
QR Parlamentı Senaty Töraǧasynyŋ orynbasary Asqar ŞÄKIROV öz mälımdemesınde «Prezidenttıŋ ekı Joldauynyŋ arasynda osy baǧytta aitarlyqtai jūmystar atqaryldy: saiasi partiialar turaly; sailau turaly; beibıt jinalystar turaly; Parlamenttıŋ qyzmetı turaly, onyŋ ışınde parlamenttık oppozisiianyŋ boluyn közdeitın zaŋdar qabyldandy, jeke adamnyŋ qūqyqtaryn qorǧau salasyndaǧy zaŋnama jetıldırılude.
Memleket basşysy aitqandai, būl reformalardyŋ bastamasy ǧana»,-dedı.
Aǧymdaǧy jyldyŋ qazan aiynan bastap äleumettık jelılerdegı media-portaldar men memlekettık baǧdarlamalardyŋ paraqtary ıske qosyldy. Portaldarda kerı bailanys ornatyldy jäne qazaqstandyqtar özderın qyzyqtyrǧan barlyq mäseleler boiynşa resurstarda jariialanǧan (onyŋ ışınde memlekettık organdarda jūmys jasaityndarmen) mamandarmen bailanysa alady. Būl bailanys ädısı ortalyq jäne jergılıktı atqaruşy memlekettık organdardyŋ «Estuşı memleket» tūjyrymdamasyn ıske asyru şeŋberınde azamattyq qoǧammen jūmysynyŋ tiımdılıgın arttyruǧa arnalǧan.
Aqparat jäne qoǧamdyq damu ministrı Aida Balaevanyŋ aituynşa, barlyq ministrler, äkımder halyqqa da, jurnalisterge de aşyq. Olardyŋ arnaiy bloktary bar, saittary qyzmet etedı. Keibır memlekettık organdardyŋ Telegram arnalary bar. Barlyq kelıp tüsken sūraqtarǧa der kezınde jauap qaitaru mäselelerı dūrys jolǧa qoiylǧan.
Sondai-aq, astanada 2019 jyldyŋ tamyz aiynyŋ soŋynda «Janūia» otbasy institutyn qoldau ortalyǧy aşyldy. Būl ortalyq qala tūrǧyndaryna «bır tereze» qaǧidasy boiynşa 70-ten astam memlekettık qyzmet türın körsetedı. «Janūia» ortalyǧy aşylǧannan berı bügınge deiın 26 myŋnan astam qala tūrǧynyna kömek körsetılgen.
Qazaqstan halyq ünıne qūlaq asatyn memleket pe? «Adyrna» tılşısı sūrap kördı.
Aida Asanqyzy, satuşy:
- «Estuşı memleket» tūjyrymdamasy qarqyndy türde jüzege asyp jatyr. Künı keşe Bılım jäne ministrı bılım basqarmalary basşylarynyŋ jeke telefon nömırlerın jariialauynyŋ özı ülken qadam boldy. Qazır qandai da bır mäselege tap bolsaq, bırden jauapty organdarǧa habarlasamyz. Äkımderımız de halyqqa bır qadam jaqyndai tüskendei.
Arman Tasqali, student:
- Şyny kerek, elımızdı tolyǧymen halyqty «estuşı memleket» qataryna jatqyza almaimyn. Älı de bolsyn şeşılmei jürgen mäselelerımız barşylyq. Bilık auyldyq jerlerdegı qarapaiym halyqtyŋ janaiqaiyna nazar audarsa deimın.
Jamal Şahaeva, zeinetker:
- Şymkent qalasynda tūramyn. Äkım orynbasarynyŋ jeke bailanys nömırı bar. Bıraq älı habarlasyp körmedım.
«Adyrna» ūlttyq portaly
