Biyl Qazaqstan käsıpodaqtarynyŋ qūrylǧanyna 30 jyl toldy. Būl qozǧalystyŋ jūmysy sonau HH ǧasyrda bolǧan jūmysşylar köterılısınen bastau alǧan edı. Qazırgı taŋda «Qazaqstan Respublikasy Käsıpodaqtar Federasiiasy» respublikalyq käsıpodaqtar bırlestıgı salalyq käsıptık odaqtardy jäne aumaqtyq käsıpodaqtar bırlestıkterın bırıktıretın kommersiialyq emes ūiym bolyp tabylady. Bügıngıkäsıpodaqtyŋ tynys-tırşılıgı qandai? «Adyrna» ūlttyq portaly osy salada jūmys ıstep jatqan BQO käsıpodaqtar odaǧynyŋ bas mamany Aqerke ŞAIQYmen äŋgımelesıp, bügınge deiın atqarylǧan jūmystar jaily sūrap bıldı.
Zamanaui qoǧam qalyptastyrudamyz
Käsıpodaqtyŋ negızgı maqsaty — eŋbek daularyn şeşıp, jūmyskerlerdıŋ müddelerın qorǧau, halyqtyŋ ömır süru deŋgeiın köterıp, äleumettık kepıldıktı qamtamasyz etu. Elbasymyzdyŋ özı «jūmysşylar özderın laiyqty sezınulerı üşın käsıpodaqtar qozǧalysy öz biıgınde boluy tiıs» dep aitqan bolatyn. Ūiym bügınde zamanaui qoǧamdy qalyptastyru jolynda qyzmet etıp keledı.
Ekı millionǧa juyq müşe bar
Qazırgı taŋda elımızde 22 salalyq käsıpodaq, 17 aumaqtyq käsıpodaq bırlestıkterı bar. Onyŋ qūramyna 2 millionǧa juyq müşe kıredı. Resmi statistika boiynşa, elımızdegı jaldamaly jūmysşylar sany 6 mln adam bolsa, sonyŋ 35 paiyzy käsıpodaq ūiymdaryna müşe. Jalpy käsıpodaq bırşama jūmystardy atqardy. Atap aitatyn bolsaq, Eŋbek kodeksın äzırleu kezınde Käsıpodaqtar federasiiasy 200-den astam özgerıs ūsynyp, onyŋ 117-sı zaŋǧa engızıldı. Bız eŋbek naryǧynyŋ tiımdılıgın qamtamasyz etuge tyrysamyz. Sondai-aq, oblystyq käsıpodaq komitetınde käsıpodaq kadrlary men aktivın oqytuǧa köŋıl bölıp jatyrmyz.
Käsıpodaqtyŋ jas buyn legı qalyptasyp keledı
2020 jyldyŋ 2 qyrküiek künı Qazaqstan Respublikasy Käsıpodaqtar Federasiiasynyŋ 26-şy sezı ozdyrylyp, käsıpodaq qozǧalysynyŋ 2020-2025 jyldarǧa arnalǧan strategiiasy qabyldandy. Būl oraida "Keleşek" jastar keŋesınıŋ aldaǧy josparlary da özınıŋ salalaryn keŋeitıp, qyzmetterın küşeitpek. Endıgı jerde keleşektık jastar - käsıpodaqtyŋ qūramyna jas buynnyŋ legın qalyptastyryp ǧana qoimai, sol jas mamandarǧa qūqyqtyq baǧyt-baǧdar berıp, äleumettık-aqparattyq qoldau körsetıp, jūmysşy jastardyŋ qoǧamdaǧy belsendılıkterın arttyru şaralarymen de ainalysatyn bolady. Atalmyş käsıpodaq jastarynan qūralǧan belsendı ūiymnyŋ maŋyzdylyǧy elımızdegı tötenşe jaǧdai kezınde erekşe bılındı desem artyq aitpaǧanym bolar. Batys Qazaqstan oblysy boiynşa "Keleşek" jastar keŋesı 2 ai boiy "Tegın äleumettık düken" jobasyn ūiymdastyryp, öŋırımızdegı 20 äleumettık jaǧynan az qamtylǧan otbasylarǧa tegın azyq-tülık kärzeŋkelerın ülestırıp, kiım-keşek paketterın tabystaǧan bolatyn. Käsıpodaq jastarynyŋ mūndai belsendı bastamalary aldaǧy uaqyttarda da öz jalǧasyn tabady dep senemın.
Käsıpodaqqa qalai müşe bola alamyn?
Käsıpodaq ūiymynyŋ negızı erıktı türde qūrylady. Eger sız jūmys ısteitın mekemede käsıpodaq ūiymy bolmasa, ony öz betıŋızben qūruǧa mümkındıgıŋız bar. Al jūmys orynyŋyzda bastauyş käsıpodaq ūiymy bolsa, käsıpodaq komitetıne käsıpodaqqa müşelıkke qabyldau jäne müşelık käsıpodaq jarnasyn ūstau turaly ötınış jazu qajet.
Qūqyqtyq kömek körsetuge daiynbyz!
Käsıpodaqqa qatysty barlyq sūraqtar boiynşa 8(7172) 643481 jäne 643482 nömırlerıne habarlasa alasyz. Eger qūqyqtyq kömek alǧyŋyz kelse, elektrondy poştamyzǧa (legaldep@fprk.kz) hat jazyŋyz.
«Adyrna» ūlttyq portaly
