Qazaqstannyń basqa elderge qarý-jaraq jetkizý nıeti joq. Bul týraly Indýstrııa jáne ınfraqurylymdyq damý mınıstrliginde málimdedi, dep habarlaıdy «Adyrna» ulttyq portaly Baq.kz saıtyna silteme jasap.
Keıbir ınternet-saıttarda jáne áleýmettik jelilerde Qazaqstan Ázerbaıjanǵa qarý-jaraq jetkize bastaǵany týraly habarlama paıda boldy. Bul jalǵan aqparat. QR Indýstrııa jáne ınfraqurylymdyq damý mınıstrligi bul habardy resmı túrde joqqa shyǵardy.
Qazaqstan eldiń álemdik qaýymdastyq aldyndaǵy barlyq mindettemelerin ustanady jáne basqa elderge qarý-jaraq jetkizý nıeti joq. Maqalada kórsetilgen málimetter shyndyqqa sáıkes kelmeıdi jáne eshqandaı negiz joq, - delingen vedomstvo málimdemesinde.
Mınıstrlik mundaı negizsiz málimetterge senbeý keregin eske saldy. Tek resmı aqparat kózderin basshylyqqa alý kerek.
Sondaı-aq, QR IIDM Azamattyq avıaııa komıtetiniń aqparaty boıynsha, Silk Way West Airlines avıakompanııasy 2020 jylǵy 2-3 qarasha aralyǵynda Nur-Sultan men Baký qalalary arasynda reısterdiń bolmaǵanyn málimdedi.
