M.S. Närıkbaev atyndaǧy KAZGUU men Azamattyq bastamalardy qoldau ortalyǧy arasynda yntymaqtastyq turaly Memorandumǧa qol qoiyldy, dep habarlaidy «Adyrna» ūlttyq portaly.
Memorandum aiasynda universitette HUB alaŋyn qūru josparlanuda. Onda studentter ABQO-dan granttyq qarjylandyru alǧan qoǧamdyq ūiymdardyŋ jobalyq qyzmetıne atsalysatyn bolady. Sondai-aq KAZGIýU ortalyqqa azamattyq qoǧam mäselelerı boiynşa konsaltingtık qyzmetter körsetedı. «ABQO» KEAQ Basqarma töraiymy Batima Mukinanyŋaituynşa, KAZGIýU - qazaqstandyq joǧary oqu oryndary arasyndaǧy alǧaşqy serıktes.
"Jalpy Azamattyq bastamalardy qoldau ortalyǧy öz jūmysynda jaŋa qadam jasady. Endı ükımettık ūiymdarmen ǧana emes, biznes-qauymdastyqpen, sarapşylar qauymdastyǧymen jäne türlı halyqaralyq qarjy ūiymdarymen de bırıgıp jūmys ısteitın bolamyz. Bügın bız alǧaş ret akademiialyq qauymdastyqpen, bedeldı universitetpen memorandumǧa qol qoidyq" - dep atap öttı Batima Quanyşqyzy.
Bırlesken granttyq ötınımderdı daiarlau jäne ūsynu maqsatyndaǧy būl serıktestıgımızdıŋ tiımdı tūstary köp. Endı universitet jastary da zertteu prosesıne jäne jaŋa jobalardy jüzege asyruǧa atsalysatyn bolady.
"Universitetımızdıŋ basty missiiasy - Otanǧa qyzmet etu. Sondyqtan äleumettık salalarǧa qatysty jobalardy jüzege asyruda täjıribemız mol. KAZGIýU-dıŋ ǧylym salasynda jürgen studentterı de zertteu prosesterıne qatysady. ABQO-ǧa azamattyq qoǧam mäselelerı boiynşa akademiialyq qoǧamdastyqtyŋ saraptamasyn ūsynatyn bolamyz. Sondai-aq bızdıŋ ärıptestıgımız ükımettık emes ūiymdar (ÜEŪ) jobalary şeŋberınde qūqyqtyq, äleumettık jäne ekonomikalyq baǧyttar boiynşa özara tiımdı ideialardy ıske asyratyn platformaǧa ainalady",- dedı Talǧat Närıkbaev.
«Adyrna» ūlttyq portaly
