Aqşa jinaityn mektep direktorynyŋ ısı tekserılıp jatyr

Keşe Şymkent qalasyndaǧy №125 mekteptıŋ bırqatar mūǧalımı mektep basşylyǧynyŋ aqşa jinaitynyna şaǧymdandy. Bılım basqarmasy şaǧym boiynşa komissiia qūryp, qazır tekserıp jatyr. Būl turaly Şymkent qalasy äkımınıŋ orynbasary Şyŋǧys MŪQAN özınıŋ Facebook  paraqşasynda jazdy dep habarlaidy «Adyrna» ūlttyq portaly. «Aldyn ala mälımet boiynşa, osydan üş jyl būryn mektep aşylǧan kezde mektep ūjymy aqşa jinap, mektepke perde satyp alǧan eken. Odan basqa da şaǧymdaryn teksertıp jatyrmyz. Aiyptylar jazalanady. Nätijesı şyqqan soŋ, qosymşa habarlaimyn. Mūndai jaǧdaidyŋ bolǧany jaqsy emes, ärine. Bıraq būl jaǧdaidyŋ ışte qalmai, syrtqa şyqqany jaqsy boldy. Mektep direktorlarynyŋ şalys basqan kez kelgen qadamy jaǧdaidy tüzeuge berılgen mümkındık. Jaman da bolsa üirenetın jaqsy keis. Mektepterde ata-analar men mūǧalımderden aqşa jinalmaidy. Äkımdık bılım salasyn tolyq qarjylandyryp otyr. Biyldan bastap Şymkenttıŋ mektepterı jan basyna qarjylandyru modelıne öttı. Mektep basşylyǧy qarjyny dūrys josparlauǧa tiıs jäne zaŋ şeŋberınde jūmys ısteuge tiıs. Öz basym, «körseŋ – ait» degen qaǧidanyŋ jaqtauşysymyn. «Auruyn jasyrǧan öledı» demekşı, eger mektepterde aqşa jinau sekıldı zaŋsyz äreketterdı körseŋız, jasyrmaŋyz, aityŋyz» dep jazdy Şyŋǧys Mūqan.