«Qazaqtyŋ tılı bai, sözdık qory mol» dep jatamyz. İä, būl ras.
Ahmet Baitūrsynūly atyndaǧy Tıl bılımı institutynyŋ bas ǧylymi qyzmetkerı, filologiia ǧylymdarynyŋ doktory, professor Nūrgeldı Uäliūly «HV-HVII ǧ.ǧ. qazaq memlekettıgımen bailanysty qazaq tılınde jazylǧan ärtürlı jazba mätın, qūjat nūsqalar boldy. Demek jazba tıl bolǧany haq. Qazaq han-sūltandarynyŋ būiryq-jarlyqtary, körşı eldermen jazysqan diplomatiialyq qatynas qaǧazdary, özara jazysqan hattary t.b. eskı qazaq jazba tılınıŋ ülgı-nūsqalary bolyp sanalady. Akademikter Ä.Marǧūlan, R.Syzdyq t.b. ǧalymdar Qadyrǧali bi Jalaiyridyŋ, Äbılǧazy Bahadürdıŋ «Türık şejıresın» eskı bastau közderıne jatqyzady. Prof. Babaş Äbılqasymov qazaq jazba tılınıŋ «Türkıstan uälaiaty» (1870-1882), «Dala uälaiaty» gazetterın qazaq jazba tılınıŋ eskı ülgılerı dep tanidy, qazırgı jariialanyp jatqan Mäşhür Jüsıp mūralarynda eskı qazaq jazba tılınıŋ ülgılerı molynan kezdesedı», — degen bolatyn
Ūlt janaşyry Ahmet Baitūrsynūlynyŋ termin jasau barysyndaǧy ūstanǧan basty qaǧidaty qazaq tılınıŋ ışkı resurstaryn, leksikalyq bailyǧyn, sözjasam təsılderın mümkındıgınşe paidalanu bolǧanyn bılemız. Sözdık qorymyzdy ūlttyq negızde damytu jolynda eskı qazaq jazba tılındegı el-jūrt, jer-su ataulary, astronomiialyq, äskeri-əkımşılık terminder jäne t.b. öz septıgın tigızerı sözsız. Alaida eskı qazaq jazba tılı älı de tolyq zertteudı qajet etıp otyr.
Quanyş Jūmabekūly PhD doktory, Ahmet Baitūrsynūly atyndaǧy Tıl bılımı institutynyŋ ǧylymi qyzmetkerı
Feisbuk paraqşasynan
