Juyrda Mäskeu qalasynda Sifrlyq damu, innovasiialar jäne aeroǧaryş önerkäsıbı ministrı B. Musin «Roskosmos» ǧaryş qyzmetı jönındegı memlekettık korporasiianyŋ bas direktory D. Rogozinmen kezdestı.
Ekı taraptyŋ kezdesuınde ǧaryş salasyndaǧy Qazaqstan men Resei federasiiasy yntymaqtastyǧynyŋ özektı mäselelerı, onyŋ ışınde «Baiqoŋyr» keşenın odan ärı damytudy talqylandy. Atap aitqanda, «Bäiterek» («Nazarbaev starty» dep te atalady – avt.) pen «Gagarin starty» jobasy boiynşa mäseleler talqylandy.
Kezdesu barysynda 2004 jylǧy 22 jeltoqsandaǧy Qazaqstan Respublikasynyŋ Ükımetı men Resei Federasiiasynyŋ Ükımetı arasyndaǧy «Baiqoŋyr» ǧaryş ailaǧynda «Bäiterek» ǧaryş zymyran keşenın qūru turaly kelısımge özgerıster men tolyqtyrular engızu turaly hattamaǧa qol qoiyldy. Qol qoiǧandar – «SENKİ» AQ Bas direktory Andrei Ohlopkov pen «Bäiterek» Qazaqstan-Resei bırlesken käsıporny» AQ Bas direktory Quat Mūstafinfov
«Bäiterek» ǦZK obektısı ekologiialyq qauıpsızdıktıŋ joǧary deŋgeiımen reseilık «Soiuz-5» tasymaldaǧyş zymyranymen jäne onyŋ yqtimal türlendırulerımen ǧaryş apparattaryn ūşyruǧa arnalǧan keşen.
Būl jobada Resei tarapy «Soiuz-5» zymyran tasyǧyşyn, tehnikalyq jäne ūşyru keşenderınde baqylau-tekseru apparaturasyn jasaudy, sondai-aq üdetkış bloktyŋ, ǧaryş apparatynyŋ jäne ǧaryş bas bölıgınıŋ tehnikalyq keşenın jaŋǧyrtudy qamtamasyz etedı. Qazaqstan tarapy «Zenit-M» ǧaryş zymyran keşenınıŋ jerüstı infraqūrylymy obektılerın qaita qūru men jaŋǧyrtudy jürgızedı.
«Bäiterek» pen «Gagarin» keşenınen alǧaşqy ǧaryştyq zymyran ūşu 2023 jylǧa josparlanǧan. «Gagarin» keşenı bırlesken käsıpornyna Qazaqstan, Resei jäne BAÄ elderı 33,3 paiyzdan ielık etse, «Bäiterek» keşenın Qazaqstan men Resei 50 paiyzdan iemdenedı. Alǧaşqy keşennıŋ investisiialyq kezeŋı 2032-şı jylǧa deiın sozylsa, keiıngısı 2062-şı jylǧa şeiın jalǧasady.
Elımız ǧaryşty igeru jūmysy boiynşa «KazSat» pen «KazSat-3» äue kemesın sättı ūşyryp, teleradio habarlardyŋ taratyluy, bailanys qyzmetı men ūlttyq kompanialardyŋ sūranystary boiynşa derekter berumen aitanylysyp keledı. Mäselen, «KazSat-3» qyzmetın «Otau TV» jüiesınıŋ 1 mln-nan astam paidalanuşysy tūtynyp otyr. Al bailanys operatorlary şalǧaidaǧy auyldardy internetpen qamtamasyz etude. Sondai-aq jerdı qaşyqtan zondtau jūmystary jürgızılıp keledı.
G.Asqar,
"Adyrna" ūlttyq portaly
