Qūrmettı analar!
Ekı jyl būryn ükımet köpbalaly analarǧa AÄK taǧaiyndaǧanda, "būl kömekten bas tartyŋyzdar! Sızder ükımetten qaiyr-sadaqa sūrauşy emessızder! Sızder demografiiaǧa auqymdy üles qosyp otyrǧan, memlekettıŋ eŋ qūndy bailyǧy - Adam kapitalyn köbeitıp otyrǧan TŪLǦASYZDAR!.." dep edım...
Bıraq Sızder "ASP, ASP" dep, özderıŋızdıŋ kım ekendıkterıŋızdı, balalaryŋyzǧa ruh beretın, namysty ūrpaq ösıretın ANA degen asyl jan retınde öz rolderıŋızdı ūmyttyŋyzdar.
Būǧan deiın bırneşe ret aitqanmyn, taǧy da qaitalap aitamyn:
AÄK - ASPdan BAS TARTYŊYZDAR!!!
Memleket balalarǧa "järdemaqy" dep qaiyr-sadaqa emes, "Ana men bala" kapitaly qoryn qūrsyn!!!
Mektep jasynan balalardyŋ namysyna tiıp, qūrby-dostarynyŋ aldynda ūialtyp, kiım-keşek taratuyn toqtatsyn!!!
Jien sıŋlım köpbalaly ana. Üş balasy mektep jasynda. 7 synyptaǧy qyzyna mektepte kiım-keşek bergen eken, almai qoiypty.
"Apai, bız kedei emespız, kerek emes" deptı.
Mūǧalımı sıŋlıme habarlasyp, jaǧdaidy aityp, "özıŋız kelıp alyp ketıŋız" deptı.
Qyzynan sūrasa, "mama, dostarymnyŋ közınşe qaiyrşy qūsap solar bergen kiımdı alam ba, pozor ǧoi!.. Kerek emes, sız de almaŋyz" dep, namystan jarylyp keterdei bulyǧyp tūr deidı.
"Qyzym namystanyp almai qoiǧan zatty men baryp alam ba? Qajet emes, öitıp bergenşe, bermei-aq qoisynşy, qūdai özımızge quat bersın!.." dep otyr.
Köpbalaly analardyŋ arasynan mūndai äŋgımelerdı jiı estıp qalamyn...
Ükımet keiıngı ūrpaqty arly, namysty, ūiatty ǧyp ösırudıŋ joldaryn emes, osyndai ärtürlı deŋgeide, itke süiek laqtyrǧandai ǧyp qaiyr-sadaqa taratu arqyly balalardyŋ ruhyn öltırıp, namyssyzdyq, alaqan jaiǧyştyq psihologiiasyn qalyptastyryp otyr.
Aqyry memleketten bölınetın qarjy ǧoi, mäsele - sony qalai berude! Ädemı, mädeniettı ūiymdastyruǧa bolady ǧoi! Memleketıŋ de, özıŋ de, analar da, balalar da ūialmaityndai, namysyna timeitındei, halyqaralyq arenada öz abyroiyŋ, memleket abyroiy artatyndai etıp böludıŋ joldaryn tabuǧa bolady. Onyŋ bırden-bır joly - qaitalap aitamyn, "Ana men Bala kapitaly" memlekettık qoryn qūryp, sol arqyly är balaǧa jeke şot aşu. Ol şot balaǧa ǧana tiesılı şot bolu kerek!!! Äkesı alyp, araq ışıp, şeşesı alyp, kırpık jalǧatyp jürmeitındei, ol aqşa tek balanyŋ qajetıne ǧana jūmsaluy tiıs!
"Adyrna" ūlttyq portaly
