Jaqynda Bozjyra tabiǧi qoryǧynyŋ janynan qonaq üi salu jobasy ūsynylǧan bolatyn. Alaida būl joba qoǧamda qyzu talqyǧa tüstı. Memleket basşysy halyqtyŋ terıs pıkırın eskere otyryp, qonaq üi salu mäselesın qaita qaraudy tapsyrdy. Būl turaly Prezidenttıŋ baspasöz hatşysy Berık Uäli Facebook jelısındegı resmi paraqşasynda jazdy, dep habarlaidy «Adyrna» ūlttyq portaly.
«Maŋǧystau oblysynda turizmdı damytu – Ükımetke jüktelgen maŋyzdy mındetterdıŋ bırı. Bügınde būl baǧytta jūmystar bastalyp kettı. Bes jūldyzdy qonaq üi salynyp, jaily meimanhanalardyŋ tūtas jelısın qūru josparlanyp otyr. Mūndai jüielı jūmystar aimaqtyŋ turistık tartymdylyǧyn arttyratyny sözsız. Jaqynda Bozjyra tabiǧi qoryǧynyŋ janynan qonaq üi salu jobasy ūsynyldy. Ökınışke qarai, qazırgı kezde qoryqtyŋ ainalasyndaǧy turizm tabiǧatty qorǧau şaralaryn saqtamai, beibereket damyp jatyr. Būl osy erekşe tabiǧat qoraǧyna orasan ziianyn tigızude»,-dedı ol.Baspasöz hatşysy Prezidenttıŋ ekologiialyq turizmdı örkeniettı jolmen damytudy qoldaitynyn atap öttı.
«Ol üşın qajettı infraqūrylym, eŋ aldymen, jaily qonaqüiler qajet. Sondyqtan Memleket basşysy Ükımetke qonaq üi salu jobasyn qaita qaraudy tapsyrdy. Bıraq, būl joba osymen toqtaidy degendı bıldırmeidı. Qoǧamdyq keŋesterdıŋ, ekolog sarapşylardyŋ jäne memlekettık vedomstvolardyŋ oi-pıkırlerı eskerıle otyryp, qonaq üi saluǧa arnalǧan basqa yŋǧaily jer taŋdalady»,- dep sözın qorytyndylady Berık Uäli.
«Adyrna» ūlttyq portaly
