Almatyǵa blok beketter qoıyla ma?

572

Baqytjan Saǵyntaev Almaty qalasyna kiretinderge jáne shyǵatyndarǵa shekteý qoıylýy múmkin ekenin aıtty, dep habarlaıdy «Adyrna» ulttyq portaly QazAqparatqa silteme jasap.

Megapolıs basshysy «Almaty» arnasynyń Akimat LIVE tikeleı efırinde qalaǵa blokpostar qoıylýy múmkin ekenin málim etti. «Almatynyń jabylatyny nemese jabylmaıtyny ózimizge baılanysty. Eger de saqtyq sharalaryn saqtamasaq, maska taqpasaq, ara qashyqty saqtamasaq, toı toılap júretin bolsaq, amal joq sol jaǵdaıǵa kelýimiz múmkin. Sondyqtan sanıtarlyq talapty qatań saqtaý qajet», - dedi Baqytjan Saǵyntaev.

Ákimniń aıtýynsha, oblys turǵyndarynyń basym bóligi Almaty qalasynda jumys isteıdi. «Biz Almaty mańyndaǵy aýdandardan bólektene almaımyz. Sebebi, kóp adam sol oblystan qatynap jumys isteıdi. Bul tek shaǵyn kásiporyndar da ǵana emes memlekettik qyzmette jumys istep jatqandar da bar. Qaıtalap aıtamyn, talapty saqtaıyq. Áıtpese, amal joq blokpost qoıýǵa týra keledi», - dedi ákim.

Foto ashyq derekkózden alyndy

"Adyrna" ulttyq portaly

 

Pikirler
Redakııa tańdaýy