Universitetke qatysty mäselenı rektor emes, ūjym şeşedı

KAZGIýU-de erekşe bır dästür qalyptasyp keledı. Būl turaly osy oqu ornynyŋ basqarma basşysy  Talǧat NÄRIKBAEV özınıŋ äleumettık jelı paraqşasynda jazdy dep habarlaidy «Adyrna» ūlttyq portaly. «KAZGIýU-de oqytuşylarmen beiresmi kezdesulerdı jiı ötkızuge tyrysamyz. Är jinalys saiyn ärtürlı taqyrypta äŋgımelesemız. Mūndai kezdesuler arqyly oqytuşylar özderınıŋ därejelerı joǧary oqu ornynyŋ basşylyǧymen teŋ ekenın tüsınedı. Būl - KAZGIýU-de bırneşe jyl būryn engızılgen gorizontaldy basqaru jüiesınıŋ jalǧasy. Endı universitetke qatysty kez kelgen şeşımdı rektor nemese dekan emes, ūjym şeşedı. Iаǧni ūjymnyŋ pıkırı eskerılıp qana qoimai, şeşım qabyldaudyŋ özı tolyǧymen joǧary mektep komitetterıne (akademiialyq sapa komitetı, etika komitetı, ǧylym komitetı) berıldı, al äkımşılık (provost, dekandar) aralaspaidy. Bır-bırımızge josparymyz, jobalarymyz, ideialarymyz turaly aitamyz. Senım - jeke ömırde ǧana emes, jūmysta da qarym-qatynastyŋ negızı. Bızdıŋ bolaşaq josparlarymyz säikes keluı kerek. Äitpese, jūmys beruşınıŋ armandary men josparlary basqa, oqytuşylardyŋ oiy müldem özgeşe boluy mümkın. Sonymen qatar būl bır-bırımızdıŋ közqarasymyzdy tüsınuge kömektesedı. Zamanaui bılım salasyndaǧy özektı problemalardy talqylaimyz. Qazırgı basty mındetımız — ǧylymi tūrǧyda oilaityn jastardy osy salaǧa baulu, jas ǧalymdardy tärbieleu. Būl mäselenı tek universitet ışınde ǧana emes, Parlament Mäjılısınıŋ deŋgeiınde talqylauǧa şyǧarudamyz. P.S. Aldaǧy uaqytta KAZGIýU-dyŋ ärbır qabatyna arnaiy taqta qoiylady. Oǧan kez kelgen qyzmetker men oqytuşy universitet jūmysyn jaqsartu boiynşa ūsynystary men ideialaryn jazady degen senımdemın. Ärbır jaqsy ideia baǧalanatyn bolady», -dep jazady T.Närıkbaev.