Mäjılıs deputaty Zaǧipa Balieva jetım balalardyŋ balalar üiınde boluyn alty jasqa deiın ūzartudy sūrady. Onyŋ aituynşa, balalardy arnaiy üide ūstau uaqytyn üş-tört jylda bıtıru balalardyŋ psihologiialyq jaraqatyna alyp keledı, dep habarlaidy «Adyrna» ūlttyq portaly QazAqparatqa sılteme jasap.
"Bügınde elımızde 20 balalar üiı jūmys ısteidı, onda üş jasqa deiıngı jäne tört jasqa deiıngı mümkındıgı şekteulı balalar bar. Jyl saiyn 200-ge juyq bala balalar üilerıne nemese mamandandyrylǧan internattarǧa auystyrylady. Säbiler üilerınen balalar üiıne nemese 3-4 jastaǧy mamandandyrylǧan internatqa auystyru balalarda ötkır psihologiialyq jaraqat pen strestı tudyrady", - dep mälımdedı Balieva premer-ministr Asqar Maminnıŋ atyna joldaǧan saualynda.
Onyŋ aituynşa, 6 jasqa deiın, ǧalymdar men psihologtardyŋ pıkırınşe, bala erekşe kütımdı, senımdı ortany qajet etedı, öitkenı däl osy kezeŋde bala tūlǧa retınde qalyptasady.
"Balalar üiındegı tärbieşı pedagog qyzmetkerdıŋ qyzmetın ǧana atqarmaidy, köp jaǧdaida ol säbigeanasyndai bolady. Mūndai özara bailanys mümkındıgın saqtau jäne ūzartu öte maŋyzdy.Balaǧa mektepke deiıngı balalyq şaqty ony tüsınetın jaqyn adamdar arasynda ötkızuge, bolaşaqta balaǧa qajettı daǧdylar men bılım aluǧa mümkındık beredı", - dep atap öttı deputat.
Ol premer-ministrden jetım balalardyŋ säbiler üilerınde boluyn alty jasqa deiın ūzartudy sūrady.
«Adyrna» ūlttyq portaly
