20 qaraşa künı «ADAL BILIM» alaŋynda «Universitetterdegı sifrovizasiia» taqyryby boiynşa tıkelei efir öttı. QR BǦM qarasty «ADAL BILIM» jobalyq keŋsesınıŋ ūiymdastyruymen ötken şaraǧa qazaqstandyq joǧary oqu oryndarynyŋ rektorlary men prorektorlary, bılım salasy boinyşa sarapşylar qatysyp, joǧary bılım salasyndaǧy sifrlandyru mäselesın talqylady.
KAZGIýU Universitetı Basqarma töraǧasynyŋ bırınşı orynbasary Ǧalymjan Qūdaibergenov pandemiiaǧa joǧary oqu oryndary är türlı deŋgeide daiyn bolǧanyn aitady. Degenmen universitetter sonyŋ arqasynda damudyŋ dästürlı täsılderın qaita qarastyryp, zamanaui bılımge bır taban jaqyndai tüskenın de atap öttı. Sondai-aq Ǧalymjan Baianqūlūly qatysuşylarǧa studentter men ata-analar üşın ıske qosylǧan Smart KAZGUU mobildı qosymşasyn tanystyrdy.
«Bügınde studentter üiden şyqpai-aq şotyndaǧy balansyn özı basqara alady. Sondai-aq sabaq kestesın özı qūryp, ötınıştı elektrondy türde jazady, anyqtamalar men qūjattardy da qolma-qol aluǧa mümkındıgı bar. Mūndai qyzmetterdıŋ barlyǧy olarǧa mobildı qosymşanyŋ kömegımen körsetıledı. "Qarjy" bölımı arqyly student özınıŋ balansyn basqarady. Student nemese ata-anasy balansty tolyqtyra alady jäne şotta qanşa qalǧanyn teksere alady. Sondai-aq studentterge bır semestr nemese belgılı bır kezeŋ boiynşa köşırımın aluǧa mümkındık qarastyrylǧan», - dedı Ǧalymjan Qūdaibergenov.
Mobildı qosymşanyŋ taǧy bır artyqşylyǧy, student kredittık oqytu jüiesı boiynşa özınıŋ sabaq kestesın qūruyna bolady. Oqytuşyny, sabaq uaqyty men künın de özı taŋdai alady.
Tıkelei efirde ötken talqylauǧa qatysuşylar ärbır joǧary oqu orny bılım berudegı klassikalyq täsılder men sifrlandyrudy sättı üilestıretın qaşyqtan oqytudyŋ avtorlyq modelın äzırleu qajet degen qorytyndyǧa keldı.
“Adyrna” ūlttyq portaly
