2012 jyldan berı «Aq jol» demokratiialyq partiiasy, mıne 9 jyldan berı jas ǧalymdardyŋ «Alaştyŋ XXI ǧasyrdaǧy Aq joly» ǧylymi konferensiiasyn jyl saiyn ötkızıp keledı. Onda qazırgı mäseleler Alaş ideologiiasynyŋ konteksınde talqylanady. Būl turaly partiianyŋ kezektı qūryltaiynda Azat Peruaşev mälımdedı dep habarlaidy «Adyrna» ūlttyq portaly partiianyŋ baspasöz qyzmetıne sılteme jasap.
Qūryltaida arnaiy baiandama jasaǧan partiianyŋ töraǧasy: Bız «Alaş» saiasi mūralaryn Qazaqstandy jaŋǧyrtudyŋ ūlttyq ideiasy retınde qaraimyz jäne olardyŋ mūrattaryn memlekettık qūrylysta, ekonomika jäne qoǧamda tabandylyqpen jyljytatyn bolamyz.
Alaşorda qairatkerlerı armandaǧandai Qazaqstannyŋ 20-25 jyldyŋ ışınde özınıŋ qoǧamy men ekonomikasyn jaŋǧyrtuǧa jäne älemde laiyqty ornyn aluǧa barlyq mümkındıgı bar degenıne senemız. Būdan bır ǧasyr būryn olarǧa Japon täjıribesı baǧdar bolsa, qazır olarǧa Oŋtüstık Koreia, Malaiziia, Şyǧys Europa qosyldy.
Ol üşın tabiǧi bailyq pen egemendık qana emes, parlamentarizm, adal bäsekelestık, resurstyq ūltşyldyq, jaŋǧyru, aşyq jäne zaiyrly memleket siiaqty tüpkılıktı qaǧidattarǧa süiene otyryp özgertuge jäne özımız özgeru üşın saiasi jıger kerek.
- Sondyqtan bızdıŋ jūmysymyzdyŋ eŋ maŋyzdy bölıgı – qoǧamǧa jäne eŋ aldymen jastarǧa – ozyq bılım men mädenietke, sonyŋ ışınde saiasi mädenietke baulu.
