Kökserektıŋ küiın keşıp jürmız

"Osy soŋǧy Qarabaq mäselesı boiynşa bızdıŋ orystıldı feisbuk ne dep jatyr eken"' dep keşe men erınbei bızdıŋ men degen orystıldı bıraz blogerlerdıŋ paraqşasyn aralap şyqqan edım.. Ol jaq jym - jyrt eken. Aralaryndaǧy bıren sarandary ǧana būl oqiǧaǧa selqostau ǧana ün qosyp qoiyp otyr. Qalǧany mrak qoi, mrak. "Qarabaq sarabaqta" şarualary joq. Mynda jelıgıp jürgen tek qana bız, iaǧni qazaqtıldı qauym ǧana ekenbız. Būl oqiǧanyŋ büge şügesıne şeiın zerttep, sauatymyz jetkenşe saraptamasyn jazyp, ony dereu jappai bölısıp, olardyŋ jeŋısıne quanyp, jeŋılısıne mūŋaiyp, tıptı keibıreuler Bakuge şeiın ūşyp baryp qoldau körsetıp jatyr eken. Qan degen bar ǧoi, QAN. Ol jıbermeidı eken. Ol jaǧynan bızdıŋ qazaqtıldı qazaqtar myqty. Aralarymyzda san ǧasyrlar jatsa da bız bır apannyŋ böltırıkterımız. Türık pen äzırbaijan Börı bolsa, bız de olarmen ūialas Börımız. Olardyŋ jondaryn küdıreitıp azularyn aqsityp, tısterın şaqyr - şūqyr etkızıp yryldasyp orys pen ärmenge qarsy soiqan ūrys berıp jatqanyna bızdıŋ de delebemız qozyp, qanymyz qainap, jalymyz küdıreiıp ekı ai boiy taǧat tappai otyrmyz. Qap tauynyŋ etegındegı börılerdıŋ yrylyna kädımgıdei elegızıp otyrǧan jaiymyz bar. Ūly Mūhaŋnyŋ "Kökseregın" oqysaŋyzdar, ana jerı esterıŋızde me; Kökserek arqasy jondanyp arlanǧa ainalǧan tūsta, auyl malyna qos qasqyr şapqan künı Kökserek iıs alyp mazasy ketıp, büiırı solq - solq etıp, jer tyrmalap közı şyradai janady emes pe, sonda auyldyŋ adamdary "äi myna käpır tūqymyn sezdı, mynanyŋ közın qūrtu kerek" dep şoşidy. Şyny kerek, bız de qazır mynda sol Kökserektıŋ küiın keşıp otyrmyz. QAN degen osy bolsa kerek. Al ana orystıldı bauyrlarymyzda ondai sezım joq siiaqty... Ekı qoiyŋ bır som... 2016 jyly osy qazaqtıldı qauym, jer - jer dep dürkırep, "jer satylmasyn, berılmesın dep mitingıletıp jany qalmai jürgende, jaryqtyq bızdıŋ osy orystıldı bauyrlarymyz eş selt etpep edı.. Men ony körıp olardyŋ sonda JER degen ūǧymnan alys, qanşalyqty iısalmas ekenın körıp taŋǧalǧan edım. Olardyŋ TILGE qatysty da ara qatynasyn bylai da bılemız. Aita - aita äbden jauyr bolǧan taqyryp... Aldap - sulap ta, qorqytyp ta talai aittyq. Oǧan selt etkenderı tym az. Menıŋ tüsıngenım; olarǧa būl tıldıŋ keregı joq. Taǧy būlardyŋ ana esımhanov siiaqty jazǧyştary jaraly kötenın körse "bız bärımız şetelge bır künde köşıp ketemız, sender sonda kımdermen qalasyŋdar" dep öz orystıldı bilıgıne erke toqaldai toŋqaŋdap otyrady. Soǧan onyŋ oqyrman tobyry ölıp tūryp laik basyp, anany äulie köredı. Iаǧni, būlarda Memleketşıldık degen tüsınık te kvartiranttyq tüsınıkpen almasyp jüre beredı.. Menı osy tüŋıltedı. Ärı, būlardyŋ, osyndai qauymnyŋ elımızde sany milliondaǧan adam bolatyndyǧy odan ärmen tūŋǧiyqqa batyrady... Qara qazaǧym aman bolsyn.