Trampqa berılgen soqqy

Tramp sottan eşteŋe şyǧara alar emes. Ol 31 ret talap-aryz berıp, onyŋ 23-ı eşqandai däleldemesı joq dep qaralmai kerı qaitaryldy. Talap-aryzdarynyŋ bırde-bırınde naqty faktılerı joq, tek qana sailau zaŋy būzyluy mümkın degen dolbar ǧana bar. Qalǧan 8 talap-aryzy qaralu üstınde, bıraq olar da kerı qaitaryluy mümkın. Sonda menıŋ tüsıngenım boiynşa talap-aryz bermes būryn onyŋ jetkılıktı dälelderı, nemese naqty küdıgı, nemese kuälerı, t.s.s. boluy tiıstı siiaqty, kez-kelgen talap-aryzdy ämırika sottary qarai bermeitındıgı belgılı boldy. Ötken sailauda bızdıŋ baqylauşylarymyz sailau komissiiasy qol qoiǧan protokoldardy qoldaryna ūstap, sotqa körsetıp tūryp, iaǧni naqty dälelderı jetkılıktı bola tūra ädıldıkke qoldary jete almady. Al Tramptyŋ qolynda eŋ bolmaǧanda sondai protokoldary da bolmai tūr. Degenmen Tramp ölıspei berıspeitın emes, ol endı sotqa aryz berumen qatar tıkelei memlekettık töǧkerıs jasauǧa kırısıp ketkendei. Älı dauys beru qorytyndysyna sertifikat bermegen ştattardaǧy respublikaşyl komissiia müşelerıne telefon şalyp, olarǧa qysym jasap, soŋǧy qorytyndyǧa qol qoimaudy talap etude. Ädette prezidenttı sailaityn ökılder sol ştatta qai prezident köp dauys alsa, soǧan ǧana dauys beruge tiıstı eken, alaida Tramp endı osy ökılderdı (sailaǧyştardy) erkınen tys kerı dauys beruge tyrysuy mümkın. Būl būryn-soŋdy AQŞ tarihynda kezdespegen jaǧdai eken. Qalai bolǧanda da barlyq ştattar 8 jeltoqsanǧa deiın sailau qorytyndysyna sertifikat berudı aiaqtap, sol künı sailaǧyştardy (vyborşik degendı osylaişa audardym, ol milliondaǧan sailauşy emes, är ştattan taǧaiyndalǧan ökılder ǧana) taǧaiyndauy tiıs, sol adamdar keiın, 14 jeltoqsanda prezidenttı sailauy kerek. Mıne, osy dataǧa şeiın Tramp özıne qarsy kelgenderdı qyryp-joiyp, jūmystan şyǧaryp, bar qolynan kelgenın jasauy mümkın. Al odan qalsa, qanşa tyrmyssa da onyŋ künı bıtedı. Belgılı sarapşylar kezınde eger Baiden aiqyn basymdyqpen jeŋbese, Tramptyŋ qolynan bärı de keluı mümkın dep boljaǧan eken. Qazırgı kezde Baiden aiqyn basymdyqpen jeŋıp otyr: ol Tramptan 6 mln-nan astam dauys artyq aldy jäne sailaǧyştar sany boiynşa da 306-ǧa 232 bolyp aiqyn basymdyqpen alda keledı. Osynşama dauysty sotpen bolsyn, basqalai bolsyn, Tramptyŋ basyp ozuy mümkın emes, ol protokoldy qoldan jaza salatyn Qazaqstan emes qoi, soǧan qaramastan ölermendıkpen kresloǧa jarmasuy - onyŋ ne ölım, ne ömır degen taŋdau aldynda tūrǧandyǧyn ǧana bıldıredı. Rasynda da qazırgı kezde ol basqa jūmystyŋ bärın qoiǧan, esı-dertı qalaida ornyn saqtap qalu, öitkenı prezidenttıkten tüsken boida-aq ol nölge ainalatynyn, tıptı sottalatynyn bılıp otyr. Aitqandai, tuitter de, feisbuk de 20 qaŋtarda tüskı 12-00-den keiın Trampt kädımgı qarapaiym ämırikandyqtar siiaqty bırden būǧattalatynyn, banǧa jıberıletının qazırden-aq eskertıp otyr. Qalai bolǧanda da būl jaǧdai ämırika demokratiiasyna berılgen qatty soqqy boldy, tek qana ämırikalyq demokratiia instituttarynyŋ myqtylyǧy arqasynda ǧana, ämırika ämırikalyǧynyŋ arqasynda ǧana äzırge mūndai soqqyny kötere alyp tūr, basqa kez-kelgen el äldeqaşan qaŋǧyp ketken bolar edı.