Tanylmaǵan Taýly Qarabaq Respýblıkasynyń Prezıdenti Araık Arýtıýnıan Reseı men Vladımır Pýtınge atysty toqtatýǵa jáne soǵysty aıaqtaýǵa kómekteskeni úshin alǵys aıtty.
Arýtıýnıan Facebook paraqshasynda: «Reseı Federaııasynyń joǵarǵy basshylyǵynyń kúsh-jigeri men is-qımyldarynyń arqasynda Ázirbaıjan-Qarabaq qaqtyǵysy aımaǵynda qantógisti toqtata aldyq. Biz Reseı Federaııasyna óz rızashylyǵymyzdy bildiremiz jáne jaǵdaıdy turaqtandyrýǵa baǵyttalǵan kúsh-jigerge jáne atysty toqtatý men soǵystyń aıaqtalýyna kómek kórsetkeni úshin Reseı Prezıdenti Vladımır Vladımırovıch Pýtınge alǵysymyzdy bildiremiz», - dep jazdy.
Onyń aıtýynsha, Reseıdiń bitimgershilik kúshteri «mańyzdy turaqtandyrýshy faktorǵa» aınaldy. Arýtıýnıan general-leıtenant Rýstam Mýradov basqaratyn Reseı kontıngentimen tıimdi yntymaqtastyq ornatylǵanyn da qosa aıtqan.
«Beıbitshilikti, turaqtylyq pen azamattarymyzdyń qaýipsizdigin qoldaý jónindegi negizgi mindetterdi oryndaý bitimgershilik kontıngentiniń jeke quramynan joǵary kásibılik pen tabandylyqty talap etedi, bul keıde ómir súrý táýekelimen ushtasyp jatady. Bizdiń halqymyzdyń atynan jaǵdaıdy turaqtandyrý, beıbitshilikti ornatý jáne qoldaǵany úshin, túrli mindetterdi sheshý maqsatynda atqarylǵan jumys pen kúsh-jigeri úshin alǵysymdy bildirgim keledi», - dep atap ótti Qarabaq basshysy.
Ol sondaı-aq Reseıge Qarabaq turǵyndarynyń taǵdyryna «nemquraıly qarama», gýmanıtarlyq kómek kórsetkeni jáne respýblıkany qalpyna keltirýge qatysqany úshin de jeke alǵysyn bildirdi.
Arýtıýnıan reseılik áskerı qyzmetshiler oralǵan bosqyndardyń jaǵdaıy men gýmanıtarlyq kolonnalardyń qaýipsizdigin qamtamasyz etetinin atap ótti.
Foto ashyq derekkózden alyndy
«Adyrna» ulttyq portaly
