Qytaıda bir mıllıonǵa jýyq adamǵa koronavırýsqa qarsy ekpe egildi. Olarǵa shuǵyl jaǵdaıda qodanýǵa ruqsat etilgen SNBG kompanııasynyń vakınasy salyndy, dep habarlaıdy «Adyrna» ulttyq portaly «Habar 24»-ke silteme jasap.
Ǵalymdar eki vakına jasap shyǵarǵan. Olardyń klınıkalyq synaǵynyń úshinshi kezeńi áli aıaqtalǵan joq. Tájirıbe Birikken Arab Ámirlikteri, Bahreın, Argentına jáne Perýde júrgizilip jatyr. Sharaǵa 50 myńnan astam adam qatysýda. Kompanııanyń málimdeýinshe, aldyn ala nátıjeler vakınanyń qaýipsiz ekenin kórsetip otyr.
«Men indetpen kúreste ekpege kóp úmit artamyn. AQSh pen Germanııada eki vakınanyń tıimdiligi 90%-ten asqany habarlandy. Al Qytaı preparattaryna keletin bolsaq, olar shetelde klınıkalyq synaqtardan ótip jatyr. Men baqylaý komıssııasyn basqaramyn. Bizde synaqqa qatysýshylarǵa qajetti zertteýler júrgizilip jatyr. Tájirıbelerge qatysty qorytyndalar jýyq arada shyǵady dep senemin»,-dedi professor Van Gýııan.
«Adyrna» ulttyq portaly
