Soltüstık Qazaqstan oblysy PD Esırtkı qylmysyna qarsy ıs-qimyl basqarmasynyŋ qyzmetkerlerı Petropavldaǧy därıhanalardyŋ bırınde sertifikattalmaǧan medisinalyq preparattardy saudalaudyŋ faktısın anyqtady, – dep habarlaidy «Adyrna» ūlttyq portaly IIM-ge sılteme jasap.
Jedel uäkılderge därıhanalardyŋ bırınde sertifikattalmaǧan preparattar satylyp jatqandyǧy jaiynda aqparat kelıp tüstı. Tekserıs kezınde aqparat rastaldy: därıhanada satuǧa rūqsaty joq därılık preparattar şynymen satylyp kelgen. Nätijesınde 2 800 dana – türlı därı-därmektıŋ 56 atauy alyndy. Jedel uäkıldermen QR Äkımşılık qūqyq būzuşylyq turaly kodeksınıŋ 426-baby (Farmasevtikalyq qyzmettıŋ jäne därılık zattar men medisinalyq būiymdardyŋ ainalysy salasynyŋ qaǧidalaryn būzu) boiynşa därıhana iesıne qatysty material jinaqtaldy.
Aita keteiık, jyl basynan SQO poliseilerımen zaŋsyz ainalymnan 400 kg astam türlı esırtkı zattary alyndy. Onyŋ 350 kg astamy marihuana, 1 kg 690 gramm – sintetikalyq esırtkıler, sondai-aq 372 gramm – geroin.
«Adyrna» ūlttyq portaly
