QR Ishki ister mınıstrligi «qazaqstandyqtar 2021 jylǵy 1 qańtardan bastap saýsaq izin tapsyrýǵa mindetti» degen aqparatty joqqa shyǵardy, dep habarlaıdy «Adyrna» ulttyq portaly QazAqparatqa silteme jasap.
«2021 jylǵy 1 qańtardan bastap qazaqstandyqtar saýsaq izin tapsyrýǵa mindetti» dep «Eýrazııa birinshi arnasy» taratqan aqparat eski aqparat ekenin jáne shyndyqqa sáıkes kelmeıtinin habarlaımyz. Kóshi-qon qyzmeti komıteti ókiliniń suhbatyn tilshi 22 qazanda jazyp alǵan. Keıin osy rásimdi qoldanysqa engizý merzimin aýystyrý týraly sheshim qabyldandy» delingen vedomstvonyń túsiniktemesinde. Osyǵan baılanysty Ishki ister mınıstrligi osy aqparatty taratpaýdy, mekemeniń búgin beriletin resmı túsiniktemesin kútýdi suraıdy.
