«Zerdelı» aqyl-oi damytu ortalyǧynyŋ ūiymdastyruymen VI kezektı «Altyn saqa» matematikalyq onlain olimpiadasy öz märesıne jettı.
«Astana daryny» daryndylyqty damytu jäne psihologiialyq süiemeldeu ortalyǧymen bırlesıp ötkızılgen dästürlı olimpiadaǧa bas şahardyŋ barlyq mektepterınen 448 oquşy qatysty.
Marapattau saltanatynyŋ aşyluyna «Qazaqstannyŋ Ūlttyq Agroönerkäsıptık Palatasy» zaŋdy tūlǧalar men jeke käsıpkerler Qauymdastyǧynyŋ töraǧasy, «Tugurul han – on han» korporativtık qorynyŋ basşysy, mesenat, käsıpker, qoǧam qairatkerı, osy retkı «Altyn saqa» olimpiadasynyŋ demeuşısı Asylhan İgıbaev, «Zerdelı» aqyl-oi damytu ortalyǧynyŋ direktory, «Altyn saqa» olimpiadasy jobasynyŋ avtory Yrysbek Mäuıt, «Astana daryny» DDjPS ortalyǧynyŋ direktorynyŋ ūiymdastru pedagogikalyq jūmys jönındegı orynbasary Buralkieva Gülbaqyt Mūqaşqyzy arnaiy qatysyp, jeŋımpazdardy qūttyqtady.
Jüzden jüirık şyqqan jüldegerler I, II, III, IV oryndar boiynşa arnaiy diplommen jäne aqşalai syilyqtarmen marapattaldy. Ärbır oryndar üşın ortalyqtyŋ oqu kurstarynan 10%-dan 50%-ǧa deiıngı jeŋıldıkter sertifikaty berıldı. Osylaişa, olimpiadanyŋ jalpy jülde qory 1 million teŋgenı qūrady.
Olimpiadanyŋ dästürı boiynşa I, II, III oryn boiynşa mektepter de marapattalyp, ärtürlı körsetkışterımen ozyp şyqqan №66 mektep-liseige «Altyn saqa» kubogy tabystaldy.
Marapattau räsımı onlain rejimde ötkızılıp, Microsoft Teams platformasy, zerdeli.kz saity, youtube kanalynan tıkelei efirde taratyldy.
