Elordada tıl bılımı mamandary men jūmys beruşıler Konsultativtı keŋeste jinalyp, qostıldı bılım berudı damytudyŋ joldaryn talqylady, dep habarlaidy «Adyrna» ūlttyq portaly. Ūiymdastyruşylardyŋ aituynşa, Qazaqstanda qazaq-aǧylşyn tılderın bırdei deŋgeide bıletın käsıbi lingvisterdıŋ joqtyǧy - özektı mäselelerdıŋ bırı.
Kezdesu barysynda qazaq tılın halyqaralyq qatynastarda qoldanudyŋ joldary men «Qazaq-aǧylşyn tılı jäne lingvistika» baǧdarlamasynyŋ traektoriiasy talqylandy. Atalǧan baǧdarlama qazaq jäne aǧylşyn tılderı boiynşa qostıldı mamandardy daiarlauǧa baǧyttalǧan.
«Qazaqstandyq joǧary oqu oryndarynyŋ arasynda alǧaşqy bolyp «Qazaq-aǧylşyn tılı jäne lingvistika» baǧdarlamasy boiynşa mamandardy daiarlaudy bızdıŋ universitetbastady. Bız studentterge aǧylşyn tılın basynan bastap üiretemız. Qazaq jäne aǧylşyn tıldı joǧary käsıbi lingvisterdı daiarlap, studentterdı qazaq tılınen aǧylşyn tılıne, aǧylşyn tılınen qazaq tılıne tıkelei audaruǧa üiretemız. Sondai-aq baǧdarlama tülekterı media salasynda da jūmys ıstei alady», - deidı «Qazaq-aǧylşyn tılı jäne lingvistika» baǧdarlamasynyŋ jetekşısı Aqerke Salimova.
Jiynǧa A. Baitūrsynov atyndaǧy Tıl bılımı institutynyŋ basşysy, Ūlttyq testıleu ortalyǧy, «Tıl-Qazyna» ūlttyq ǧylymi-praktikalyq ortalyǧy, «Egemen Qazaqstan» gazetı, Memlekettık tıldı damytu qory syndy bırqatar kompaniialardyŋ ökılderı qatysty.
KAZGIýU Universitetınıŋ Konsultativtık Keŋesınde serıktester studentterdıŋ ıs-täjıribeden ötu mümkındıkterı men baǧdarlamanyŋ eŋbek naryǧyndaǧy qajettılıgın atap öttı. Qatysuşylar "Medialingvistika", "Tıl jäne audarma"mainorlarynyŋ bıregeilıgın körsetetın jaŋa pänderdı engızudı ūsyndy.
«Adyrna» ūlttyq portaly
