Elımızde tötenşe jaǧdaidyŋ aldyn –alu boiynşa halyqty oqytu jäne habar beru jūmystary ılgerlep keledı. Kez-kelgen aqparatty közdı aşyp-jūmǧanşa jetkızıp otyratyn bailanys qūraldarynyŋ da osy tūsta zor ülesı men maŋyzdylyǧy basym.
Tötenşe jaǧdailar ministrlıgınıŋ baspasöz qyzmetınıŋ aqparatyna süiensek, käsıbi avariialyq-qūtqaru qyzmetterınıŋ tötenşe jaǧdailarǧa qabyldanǧan aldyn alu jäne uaqtyly den qoiu aldyn ala şaralarynyŋ arqasynda 2019 jylǧy ūqsas kezeŋmen salystyrǧanda oqiǧa sany 8,2%-ǧa (1 052 oqiǧaǧa) azaiǧan, bıraq būl rette zardap şekkenderdıŋ sany 30,6 esege (68 336 adamǧa), qaza bolǧandar sany 2,8 esege
(876 adamǧa), materialdyq nūqsan 47,8%-ǧa (1 411 mln.teŋgege) öskendıgı baiqalady.
Biylǧy jyldyŋ on aiynda 11 702 tabiǧi jäne tehnogendık sipattaǧy tötenşe jaǧdailar men oqiǧalar tırkelse,
70 641 adam zardap şekken, sonyŋ ışınde 1 353 adam qaza bolyp, keltırılgen materialdyq nūqsan 4 365,7 mln.teŋgenı qūraǧan.
Tötenşe jaǧdailar negızınen ötken jylǧymen salystyrǧanda Türkıstan oblysynda 32,2 %-ǧa, Almaty oblysynda 26,7 %-ǧa, Aqtöbe oblysynda 20,3 %-ǧa, Qaraǧandy oblysynda 17,2 %-ǧa, Jambyl oblysynda 14,6 %-ǧa, Qostanai oblysynda 12,4 %-ǧa, Nūr-Sūltan qalasynda 9,1 %-ǧa azaiǧan.
Kerısınşe tötenşe jaǧdailar sany artqan öŋırler olar: Batys-Qazaqstan oblysynda 11 %-ǧa, Şyǧys-Qazaqstan oblysynda 9,7 %-ǧa, Pavlodar oblysynda
3 %-ǧa, Şymkent qalasynda tıptı 155,7 %-ǧa deiın artqan.
Tötenşe jaǧdailardan zardap şekkender men qaza bolǧandar sany da är oblysta är türlı deŋgeide tömendese, kei öŋırlerde olardyŋ sany aitarlyqtai ösken.
Mysaly, Atyrau oblysynda zardap şekkenderdıŋ sany 122,8 esege össe, Nūr-Sūltan qalasynda būl körsetkış 106,7 esenı qūrady. Zardap şekkenderdıŋ sany jaǧynan osy ekı öŋırden soŋ Batys- Qazaqstan, Soltüstık-Qazaqstan oblystary men Şymkent qalasy tūr.
Tötenşe jaǧdailar saldarynan qaza bolǧandar sany jaǧynan Nūr-Sūltan qalasy köş bastap tūr. Elordada ötken jylmen salystyrǧanda qaza bolǧandar sany 16,7 esege köbeise, Maŋǧystau oblysynda 11 esege ūlǧaiǧan. Odan keiın Batys-Qazaqstan oblysynda 6,8 esege, Atyrau oblysynda 6,4 esege, Şymkent qalasynda 6,2 esege, Aqmola oblysynda 3,6 esege deiın ösken.
Būl aitylǧandardyŋ bärı tek sandar bolǧanmen, esep üşın jasalǧan aqparat dep qaraǧanymyzben, osylardyŋ ärbıreuınıŋ artynda ömır men erlık, orny tolmas qaiǧy men kütpegen quanyş jatyr.
Erke Jomart,
«Adyrna» ūlttyq portaly
