Elimizde tótenshe jaǵdaıdyń aldyn –alý boıynsha halyqty oqytý jáne habar berý jumystary ilgerlep keledi. Kez-kelgen aqparatty kózdi ashyp-jumǵansha jetkizip otyratyn baılanys quraldarynyń da osy tusta zor úlesi men mańyzdylyǵy basym.
Tótenshe jaǵdaılar mınıstrliginiń baspasóz qyzmetiniń aqparatyna súıensek, kásibı avarııalyq-qutqarý qyzmetteriniń tótenshe jaǵdaılarǵa qabyldanǵan aldyn alý jáne ýaqtyly den qoıý aldyn ala sharalarynyń arqasynda 2019 jylǵy uqsas kezeńmen salystyrǵanda oqıǵa sany 8,2%-ǵa (1 052 oqıǵaǵa) azaıǵan, biraq bul rette zardap shekkenderdiń sany 30,6 esege (68 336 adamǵa), qaza bolǵandar sany 2,8 esege
(876 adamǵa), materıaldyq nuqsan 47,8%-ǵa (1 411 mln.teńgege) óskendigi baıqalady.
Bıylǵy jyldyń on aıynda 11 702 tabıǵı jáne tehnogendik sıpattaǵy tótenshe jaǵdaılar men oqıǵalar tirkelse,
70 641 adam zardap shekken, sonyń ishinde 1 353 adam qaza bolyp, keltirilgen materıaldyq nuqsan 4 365,7 mln.teńgeni quraǵan.
Tótenshe jaǵdaılar negizinen ótken jylǵymen salystyrǵanda Túrkistan oblysynda 32,2 %-ǵa, Almaty oblysynda 26,7 %-ǵa, Aqtóbe oblysynda 20,3 %-ǵa, Qaraǵandy oblysynda 17,2 %-ǵa, Jambyl oblysynda 14,6 %-ǵa, Qostanaı oblysynda 12,4 %-ǵa, Nur-Sultan qalasynda 9,1 %-ǵa azaıǵan.
Kerisinshe tótenshe jaǵdaılar sany artqan óńirler olar: Batys-Qazaqstan oblysynda 11 %-ǵa, Shyǵys-Qazaqstan oblysynda 9,7 %-ǵa, Pavlodar oblysynda
3 %-ǵa, Shymkent qalasynda tipti 155,7 %-ǵa deıin artqan.
Tótenshe jaǵdaılardan zardap shekkender men qaza bolǵandar sany da ár oblysta ár túrli deńgeıde tómendese, keı óńirlerde olardyń sany aıtarlyqtaı ósken.
Mysaly, Atyraý oblysynda zardap shekkenderdiń sany 122,8 esege ósse, Nur-Sultan qalasynda bul kórsetkish 106,7 eseni qurady. Zardap shekkenderdiń sany jaǵynan osy eki óńirden soń Batys- Qazaqstan, Soltústik-Qazaqstan oblystary men Shymkent qalasy tur.
Tótenshe jaǵdaılar saldarynan qaza bolǵandar sany jaǵynan Nur-Sultan qalasy kósh bastap tur. Elordada ótken jylmen salystyrǵanda qaza bolǵandar sany 16,7 esege kóbeıse, Mańǵystaý oblysynda 11 esege ulǵaıǵan. Odan keıin Batys-Qazaqstan oblysynda 6,8 esege, Atyraý oblysynda 6,4 esege, Shymkent qalasynda 6,2 esege, Aqmola oblysynda 3,6 esege deıin ósken.
Bul aıtylǵandardyń bári tek sandar bolǵanmen, esep úshin jasalǵan aqparat dep qaraǵanymyzben, osylardyń árbireýiniń artynda ómir men erlik, orny tolmas qaıǵy men kútpegen qýanysh jatyr.
Erke Jomart,
«Adyrna» ulttyq portaly
