Lázzat QUSAIYNOVA: Ǵalymdardyń jalaqysyn zańdastyrý qajet

2346
Adyrna.kz Telegram

Ǵalymdardyń jalaqysyn zań júzinde qarastyrý qajet. Mundaı usynysty QR BǴM Ǵylym komıteti tóraǵasynyń eks-orynbasary Lázzat QUSAIYNOVA  ADAL BILIM platformasynda ótken tikeleı efır barysynda aıtty.

Qazaqstandyq ǵylymdy damytýǵa jáne ǵylymı jobalarǵa granttyq qarjylandyrýdy bólýge qatysty máseleler ǵalymdar arasynda talqylandy. Efır barysynda Halyqaralyq ǵylymı yntymaqtastyq ortalyǵynyń prezıdenti áleýmettik qamsyzdandyrý júıesi boıynsha ǵalymdardyń jalaqysy memlekettik qyzmetkerlermen teńestiriletinin atap ótti.

«Memlekettik qyzmetkerler úshin «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń qaýlysy bar. Onda ǵalymdar  tárbıeshilermen, medıına qyzmetkerlerimen, muǵalimdermen qatar qarastyrylǵan. Atalǵan qaýlyda kórsetilgen jalaqy júıesi boıynsha ǵalymdar eń tómengi jalaqyny alady, sondyqtan olar memlekettik qyzmetkerlermen teńestiriledi», - dep atap ótti Lázzat Qusaıynova.

Lázzat Abaıqyzynyń aıtýynsha, sońǵy eki jyl ishinde depýtattardyń nazaryn ǵalymdardy qazirgi jalaqy júıesinen bólip shyǵarý nemese osy sheshim sheńberinde jeke tólem júıesin qurý qajettiligine birneshe ret aýdarǵan. Iaǵnı jeke qosymshalar daıyndap, jalaqysyn durys esepteý kerektigin alǵa tartady. Talqylaý barysynda ǵylymı qyzmetkerlerge eńbekaqy tóleýdi zańdastyrýdy usyndy, óıtkeni ol salyq salýǵa jatatyn  zeınetaqy tóleý múmkindigin qarastyratynyn aıtady.

Foto ashyq derekkózden alyndy

"Adyrna" ulttyq portaly

Pikirler