Türkiia Ukrainany Qyrymdy "qaitaru" turaly kelıssözder bastamasynda qoldady. Būl turaly eldıŋ Syrtqy ıster ministrı Mevliut Chavuşoglu ukrainalyq ärıptesı Dmitrii Kulebamen kezdesken soŋ Twitter paraqşasynda jazdy, - dep habarlaidy “Adyrna” ūlttyq portaly “Lenta.ru”-ǧa sılteme jasap.
Türık diplomaty ärıptesımen kezdesuge qanaǧattanǧanyn da atap öttı. Chavuşoglu Kiev pen Ankara qarym-qatynasty, äsırese äskeri yntymaqtastyq pen qorǧanys önerkäsıbı salasyndaǧy qatynastardy nyǧaitatynyna toqtaldy.
16 qazanda Türkiia prezidentı Rejep Taiyp Erdoǧan ukrainalyq ärıptesı Vladimir Zelenskiimen ötken baspasöz mäslihatynda Türkiia Ukrainanyŋ aumaqtyq tūtastyǧyn saqtai otyryp, Reseidıŋ Qyrymdy "zaŋsyz anneksiialauyn" moiyndamaitynyn aitty. Ol Ukrainany Türkiianyŋ tūraqtylyǧy men qauıpsızdıgın qamtamasyz ete alatyn negızgı el dep sanaitynyn da bıldırgen.
23 qyrküiekte Zelenskii BŪŪ-da "Qyrym platformasy" tūjyrymdamasyn ūsynyp, halyqaralyq qauymdastyqtyŋ bastamaǧa qosyluyn sūrady. "Būl qyrymdyqtardyŋ qūqyqtaryn qorǧau jäne tübektıŋ deokupasiiasy boiynşa halyqaralyq küş-jıgerdı üilestıru", - dep tüsındırdı ol. Qazırgı uaqytta Ukraina Euroodaqqa müşe elderdıŋ ūlttyq ükımetterı deŋgeiınde olardyŋ bastamaǧa qatysuy turaly kelıssözder jürgızude.
Qyrym Reseidıŋ qūramyna 2014 jyly nauryzda ötken referendumnan keiın kırdı, sol kezde aimaqtyŋ dauys bergen tūrǧyndarynyŋ köpşılıgı būl şeşımdı qoldady. Ukraina men Batys elderı būl plebissittıŋ nätijelerın moiyndaudan bas tartty.
Foto aşyq derekközden alyndy “Adyrna” ūlttyq portaly
