Premer mınıstr Qasym-Jomart Toqaevqa koronavırýs indetine qarsy otandyq vakınanyń ázirlený barysy týraly baıandaldy dep habarlaıdy «Adyrna» ulttyq portaly Aqordanyń resmı saıtyna silteme jasap.
Premer-Mınıstr Prezıdentke 29 qarasha kúni klınıkalyq synaqtardyń 1 jáne 2-kezeńderiniń aıaqtalǵany týraly málimdedi. Asqar Mamınniń aıtýynsha, vakınanyń keri áseri anyqtalǵan joq jáne onyń joǵary tıimdiligi tirkeldi. 25 jeltoqsannan bastap klınıkalyq synaqtardyń 3-shi kezeńinde atalǵan vakına 3 myń eriktige egiledi. Synaqtar tolyǵymen 2021 jyly naýryzdyń sońyna qaraı aıaqtalady.
Sonymen qatar Memleket basshysyna osy jyldyń sońyna deıin 2 mıllıon mólsher kólemindegi otandyq vakınanyń alǵashqy partııasy shyǵarylatyny týraly aqparat berildi.
Memleket basshysynyń Reseı Prezıdenti Vladımır Pýtınmen jasaǵan kelisimine sáıkes osy jyldyń 22 jeltoqsanynan bastap Qazaqstanda reseılik «Spýtnık V» vakınasyn óndirý qolǵa alynady. 2021 jyldan bastap turǵyndarǵa erikti túrde jappaı vakına egý josparlanyp otyr. Alǵashqy kezeńde turǵyndardyń aýrýdy juqtyrý qaýpi joǵary toby, ıaǵnı dárigerler, pedagogtar, kúshtik qurylymdardyń qyzmetkerleri qamtylady.
Qasym-Jomart Toqaev Asqar Mamınge otandyq vakına óndirisine qatysty berilgen tapsyrmany jedel oryndaǵany úshin alǵys bildirip, dáriniń tıimdiligine basa mán berýdi jáne turǵyndarǵa qol jetimdi bolýyn baqylaýda ustaýdy tapsyrdy.
