Saiasatker Ämırjan Qosanov Facebook jelısındegı resmi paraqşasynda Qasym-Jomart Toqaevtyŋ alǧaşqy saiasi jeŋılısı turaly jazdy, dep habarlaidy «Adyrna» ūlttyq portaly.
«Men reformatormyn», - dep şetel gazetterıne mälımdegen jäne prezident sailauy aldynda (jäne odan keiın) saiasi reformalardyŋ qajettılıgı turaly aitqan prezidentımız alǧaşqy saiasi jeŋılıske ūşyrady. Onyŋ mänısı mynada: Toqaev bolaşaqta öz reformalaryn ideialyq jäne praktikalyq jaǧynan qoldai alatyn parlament qūra almady»,-dedı ol.Saiasatkerdıŋ aituynşa , qoǧam memleket basşysynyŋ ritorikasyna senıp qalǧan-dy.
«Ne degenmen Toqaevtyŋ ritorikasyna senıp qalǧan progressivtı qauym «osy oiy dūrys bolsa, onda parlament sailauyna demokratiialyq küşter qatysyp, «Nūrotandy» jeŋbese de, sonda ene alady, söitıp, elde şynaiy saiasi reformalar bastalady» dep ümıttengen edı. Şynymdy aitsam, özım de solai oiladym. Öitkenı özım qatysqan prezident sailauynan keiın elde bilıkke narazy ideialar naqty sipatqa ie bolyp, keŋ qanat jaiyp, bilık sanasatyndai qūbylysqa (qozǧalys ne partiia dei almaimyn) bop qalyptasa bastap edı. Aqyrynda ne boldy? «Reformator bolamyn» degen Toqaev eskı ädıs-täsılderden bas tartqysy kelmeitın retrograd, kertartpa küşterdıŋ yqpalynan şyǧa almai qaldy. Nätijesınde regressivtı küşter jeŋıp şyqty da, parlament sailauy quyrşaqtardyŋ qoiylymy bop qaldy. Toqaev myrza bır närsenı tüsınuı kerek. Būl soraqy sailaudy el «Nazarbaevtyŋ ne Baibektıŋ sailauy» demeidı, «Toqaevtyŋ sailauy» dep ataidy. Osy külkılı parlament sailauymen Toqaev tarihta qalady. Kım bıledı, bälkım, Aqordadan tys bilıktegı küşter däl osylai Toqaevtyŋ reformatorlyq imidjıne soiqan soqqy bergısı kelgen de şyǧar. Olai bolsa, būl ekınşı prezidenttıŋ taktikalyq emes, strategiialyq qatesı boldy dep sanaimyn. Äitpese, el ışınde sentristık sipattaǧy demokratiialyq küşter bar edı ǧoi. Mäselen, ūlttyq-demokratiialyq küşter. Olar Täuelsızdık alǧannan berı saiasi alaŋda jür. Olar bilıkke jüielı türde qarsy. Olar da oppozisiia. Bıraq, radikal men bıtıspes kūşterden aiyrmaşylyǧy sol - olar zaŋ aiasynda äreket jasap keledı. Olar koniunkturalyq saiasi maqsattardan görı el Täuelsızdıgın, memlekettık tūtastyǧyn, ūlt müddesın joǧary qoiady. Sol küşter ökılderı parlamentke engende, eldıŋ sailauǧa degen ıltipaty basqaşa bolar edı. Bıraq bolar ıs boldy.Sondai-aq, Qosanov 10 qaŋtarmen saiasi ömır bıtpeitının jetkızdı. «Qoǧamdaǧy broundyq qozǧalys tolastamaidy. Kerısınşe, qoǧamdyq-saiasi ömır jandana tüsedı. Öitkenı menıŋşe, bilık äzırşe «prezidenttık sailaudan keiın ǧalamat küşke ie bolǧan halyqtyq naryzylyqty parlamenttık sailauda qalaişa bäseŋdetemız?» degen taktikalyq oi töŋıregınde ǧana bas qatyryp jatyr. Sonyŋ qarsaŋynda nebır populistık, oryndaluy ekıtalai uädelerdı üiıp-tögıp, sailauşylardyŋ «qūlaǧyna ılıp jatyr». Basqa närsenı oilauǧa bilıktıŋ qazır şamasy joq. Saiasi strategiia degen müldem ūmyt qalǧan siiaqty! Mıne, sailaudan keiıngı kezeŋ Toqaev qūryp jatqan «jaŋa» jüie üşın eŋ myqty syni şaq bolmaq. Sol kezde bügıngı radikaldar emes, oppozisiia bola otyryp, memleket pen ūlt müddesın ūmytpaityn, bılımdı, baisaldy, parasatty, bır mezettık ne bır taqyryptyq haipqa ūrynbaityn, tereŋnen oilaityn, saiasattanu terminımen aitqanda, revoliusiiany emes, evoliusiiany qalaityn sentristık küşter kımdı qoldamaq? Menıŋşe, parlament sailauynan keiıngı basty bır sūraqtyŋ bırı osy bolmaq»,-dep sözın qorytyndylady ol.
«Adyrna» ūlttyq portaly
