Qazaq jäne aǧylşyn tılderın teŋ därejede meŋgergen mamandar nege az?

Jūmys beruşılerdıŋ aituynşa, eŋbek naryǧynda aǧylşyn tılın jetık meŋgergen qazaq tıldı mamandar jetıspeidı. Qazırgı taŋda ekı tıldı teŋ därejede igergen qyzmetkerlerge degen sūranys äldeqaida artqan. Dese de ondai mamandardy daiarlaityn bılım ordalary joqtyŋ qasy. Atalǧan mäsele QR BǦM qarasty «ADAL BILIM» alaŋynda talqylandy dep habarlaidy «Adyrna» ūlttyq portaly QR BǦM «ADAL BILIM» jobalyq keŋsesınıŋ baspasöz qyzmetıne sılteme jasap. «Būryn qazaqstandyq bırneşe universitette qazaq-aǧylşyn  tılderın oqytatyn mamandyqtar bolǧan. Bıraq olardyŋ ǧūmyry ūzaq bolmady, sebebı ol kezde naryqta sūranys qazırgıdei emes edı. Aǧylşyn tılı künnen künge qajet bolyp kele jatqanyn baiqap otyrmyz. Qazır naryqta qostıldı mamandarǧa sūranys bar. Bıraq sol mamandardyŋ özın belgılı bır salaǧa beiımdep daiarlau qajet dep oilaimyn», - deidı A. Baitūrsynūly atyndaǧy Bılım akademiiasynyŋ direktory Ūlan Erkınbai. Efirge jūmys beruşı retınde qatysqan «USTAZ» käsıbi jetıldıru ortalyǧynyŋ akademiialyq direktory Nūrlan İmanǧaliev şeteldık materialdardy qazaq tılıne audarǧan kezde tuyndaityn qiyndyqtar jaily pıkırın bıldırdı. «Būl mäselenı jūmys beruşı retınde qarastyrsam, ekı problema tuyndaidy. Bırınşıden, materialdardy audaratyn kezde ekı ese qarjy jūmsaimyz. Aǧylşyn tılınen aldymen orysşaǧa, odan keiın qazaq tılıne audaru kerek. Sebebı qazaq jäne aǧylşyn tılderın teŋ därejede bıletın mamandar az. Ekınşıden, aqparatty aldymen orys, keiın qazaq tılıne audarǧanda maǧynasy özgerıp ketedı. Sondai-aq menıŋ oiymşa, qazırgı taŋda qazaq tılı men ädebietı pänınıŋ mūǧalımderı de aǧylşyn tılın bılgenı dūrys. Sebebı aǧylşyn tılın bıletın mūǧalımder jaŋaşyldyqqa jaqyn, közı aşyq bolady»,- deidı Nūrlan İmanǧaliev. Joǧaryda atalǧan mäselenı şeşu maqsatynda M.S. Närıkbaev atyndaǧy KAZGIýU Universitetınde biyl «Qazaq-aǧylşyn tılı jäne lingvistika» baǧdarlamasy aşylǧan. Baǧdarlama jetekşısınıŋ aituynşa, būl mamandyqqa tüsken studentterdıŋ qosymşa mamandyqtardy meŋgerıp şyǧuǧa mümkındıgı bar. «Būl mamandyqqa ŪBT-ǧa «Qazaq tılı jäne ädebietı» pänın taŋdaǧan tülekterdı qabyldaimyz. Abiturienttıŋ aǧylşyn tılı boiynşa deŋgeiı tömen bolsa da qabyldap, basynan üiretemız. Maqsatymyz - aǧylşyn tılınen audarǧanda orys tılın paidalanbai, bırden qazaq tılıne audaratyn mamandardy daiyndau. Qazırgı taŋda qazaq tılıne qyzyǧuşylyq tanytyp jatqan şeteldık azamattar bar. Olar da orys tılın bılmegendıkten qazaq tılınde bılım alady. Būl mamandyqqa tüsken studentter «Qazaq tılın şet tılı retınde oqytu», «Medilingvistika» (jurnalistık daǧdylardy üiretu), «Audarma ısı» siiaqty qosymşa mamandyqtardy alyp şyǧady», - deidı M. Närıkbaev atyndaǧy KAZGIýU Universitetı «Qazaq-aǧylşyn tılı jäne lingvistika» baǧdarlamasynyŋ jetekşısı Aqerke Salimova.