Qazırgı uaqytta Almaty qalasynda 2800-ge juyq jeke tūrǧyn üi gazben jabdyqtau jüiesıne qosylmaǧan. Qystyŋ künı kömır jaǧu arqyly üidı jylytu qalanyŋ ekologiialyq jaǧdaiyna kerı äserın berse, otbasy üşın artyq şyǧyn jäne äurege salatyny aidan anyq. Osy jyldyŋ basynda Almaty qalasynyŋ äkımı Baqytjan Saǧyntaev qala tūrǧyndarynyŋ üilerın gazǧa qosu üşın ekınşı deŋgeilı bankter arqyly kredit beru mümkındıgın qarastyrudy tapsyrǧan. Osy oraida, Halyk Bank äkımdıktıŋ būl bastamasyn qoldap, gaz ornatuǧa paiyzsyz kredit beruden bölek, tūrmysy tömen otbasylarǧa gazdy tegın ornatu jobasyn bastap kettı.
«Joba halyqtyŋ äleumettık osal tobyna jatatyn jäne öz üilerın gazben jabdyqtaǧysy keletın basqa da qala tūrǧyndaryn qamtidy. Kömır jaǧu qalanyŋ aua tazalyǧyna kerı äserın beretının bılemız, sondyqtan Halyk Bank halyqtyŋ äleumettık tūrǧydan osal tobyna jatatyn tūrǧyndardyŋ üilerıne gazdy tegın qosady. Almaty äkımdıgı ūsynǧan tızımge säikes, üige gazdy tegın qosu ǧana emes, onymen qosa barlyq qajettı gaz jabdyqtaryn satyp aluǧa da kömektesemız. Al, äleumettık tūrmysy tömen otbasy qataryna jatpaityn almatylyqtar üşın paiyzsyz kredit ūsynamyz. Būl bızdıŋ qalamyzdyŋ äue basseinın tazartuǧa qosqan ülken ülesımızdıŋ bırı», - dedı Halyk Bank basqarma töraǧasynyŋ orynbasary Däuren Sartaev.
Ärbır üige gaz ornatu boiynşa qajettı jūmystardy Temel Group Stroy kompaniiasyatqaruda. Atauly ūiymnyŋ atqaruşy direktory Aslan Töleutaevtyŋ aituynşa, gaz ornatu jūmysy jeke qaralady. Mäselen, keibır üilerde peş ornatuǧa arnalǧan bölek bölme salu qajet bolsa, al keibır üide esık nemese terezenı auystyruǧa tura keledı. Iаǧni, gaz ornatuǧa qajettı jabdyqtardan bölek, basqa qajettı tauardy alu, ony ornatu jūmystaryn da atqaramyz - dedı Aslan Töleutaev.
«Men üidı jiyrma jyl boiy kömır jaǧyp, jylytyp kelemın. Maǧan būl öte qiyn edı, öitkenı aiaǧym auyrady. Endı, mıne Halyk Bank-tıŋ arqasynda menıŋ armanym oryndaldy, bügın menıŋ üiıme gaz qosyldy. Būl igı ıske rizaşylyǧym şeksız», - dedı zeinetker, 3-top mügedegı Galina Goncharova.
Jalǧyz basty ana Gülbahram Bultakova: «Būryn qyzym ekeumız bölmenıŋ däl ortasynda tūrǧan peştı jaǧuymyz kerek edı. Banktıŋ qoldauynyŋ arqasynda üige gaz jetkızılıp, üige jylu jüiesı ornatyldy. Olar peş tūratyn bölmenı de özderı tūrǧyzdy, men Bankke şyn jürekten rizamyn».
Tūrmysy tömen otbasylardyŋ üiıne gaz qosu üşın Halyk Bank 60 million teŋgeden astam qarajat böldı. Bügıngı künı 10 otbasyǧa gaz tegın ornatyldy, jyl soŋyna deiın Nauryzbai jäne Alatau audany boiynşa 70 astam üige tegın gaz tartu josparǧan.
Onymen qosa, kez kelgen Almaty qalasynyŋ tūrǧyndary gaz jabdyǧyn ornatu üşın paiyzsyz kredit alu mümkındıgı de bar
- Syiaqy mölşerlemesı - 0%;
- Zaimdy resımdegenı üşın komissiia 0,1%
- Kreditteu merzımı – 18 aiǧa deiın
- Bır jeke tūlǧa üşın zaimnyŋ somasy 309 000 ₸ mölşerınde
- Türksıb audany, Kungurskaia köşesı, 2 üi, Halyk Bank, 131832 bölımşesı;
- Äuezov audany, «Jetysu-4» şaǧyn audany, 13 «A» üi, Halyk Bank, 30 JSO
