Deputat Nikonov Qazaqstan turaly aitqanyna tüsınık berdı

Qazaqstan jerı turaly dauly mälımdeme jasaǧan reseilık deputat Viacheslav Nikonov öz sözın tüsındırdı, - dep habarlaidy  «Adyrna» ūlttyq portaly Tengrinews.kz tılşısıne sılteme jasap. "Qazaq KSR şekarasyn bekıtude Qazaqstan müddesı tolyqtai eskerıldı. Keiın Qazaq KSR Qazaqstan Respublikasy boldy. Mümkındıktı paidalana otyryp, bauyrlas Qazaqstan halqyna ystyq ıltipatymdy bıldırıp, "Bolşaia igra" baǧdarlamasynda men däl osy närsenı aittym", - dep jazdy reseilık deputat Telegram-kanalynda. Eske salaiyq, būǧan deiın reseilık "Pervyi kanal" efirınde Memlekettık Duma deputaty Viacheslav Nikonovtyŋ Qazaqstan turaly aitqan sözı jelıde taraǧan edı. Deputat efir barysynda Qazaqstan degen el bolmady degen edı.  "Qazaqstan bolǧan joq, Soltüstık Qazaqstanda būryn mülde qonystanbaǧan. Olar bolǧan, bıraq oŋtüstıkke jaqyn. Şyn mänınde, Qazaqstan territoriiasy - Resei men Keŋes Odaǧynyŋ ülken syilyǧy", - degen edı Nikonov "Bolşaia igra" baǧdarlamasynda.