Şükırıŋ kömektespeidı

Seljūq Bairaqtardyŋ "Bayraktar Akıncı" kompaniiasy jaiyndaǧy derektı filmdı körıp otyrmyn. Tömende san myŋ adamdar pıkırın jazyp, Seljūqqa "Sen Türkiiaǧa Qūdaidyŋ jıbergen adamysyŋ", "Qūdaidyŋ alǧysyn alǧan adamsyŋ", "Sen Ūly Türkiianyŋ qorǧauşysysyŋ" dep pıkır jazyp jatqandaryn oqyp, tūtas denem būlqynyp, şabyttanyp kettım. Bır jaǧynan özımızdıŋ jaǧdaiǧa qarap, basym jerge qarady. Derektı filmde Bairaqtardyŋ kompaniiasynda jūmys jasap jatqan barlyq injener konstruktorlardyŋ ymyramen, bırlıkpen, tatulyqpen tamaşa ärıptestık ornatyp, jūmys jasap jatqany körsetılıptı. Barlyq jūmys tärtıppen, grafik boiynşa jüredı. Är injener konstruktordyŋ özınıŋ mındetı bar. Qarap otyrsaŋ, naǧyz ūlttyq, memlekettık ideologiia. Ǧylym men tehnologiianyŋ ideologiiasy. Memleket bolatyn, el bolatyn eldıŋ tırlıgı osy eken. Ǧylym men bılımge qūmarlyq eken. Osy körınıske qarap otyryp, bızdıŋ elde de osyndai bır tolqynnyŋ äleuetı körınse eken, tolqynǧa ılesıp ketsek eken dep armandadym. Özıŋız oilap közıŋız, däl osyndai tehnologiialyq industriia ıske qosylyp, tūtas Qazaqiiaǧa ideologiia bolyp nasihattalyp jatyr. Qandai sezımde bolar edıŋız... Aityp jetkızu mümkın emes qoi. Bır bırımızge janaşyr, bauyrmal bolmai, mynau biıkke jete almaimyz, bauyrlar. Bes alty tiyn üşın bır bırımızdı satyp ketıp jürgen bızderge būl biıkke şyǧu qaşan būiyrar eken... Bız de osy biıkke ūmtylaiyq, Qazaqtar! Äruaqtan da, uaqyttan da ūiat bolyp barady. "Eger de elıŋ tynyş bolsyn degen nietıŋ bolsa, soǧys bolmasyn degen nietıŋ bolsa, onda ärqaşan soǧysqa daiyn otyr" degen adamzat jaratylǧany jalǧasyp kele jatqan ūly qaǧidany ūmytpau kerek. Beibıt elmız, qarusyz elmız degen qyrtqan söz. Bır künde taǧdyryŋdy şeşedı qolynda qaruy bar dūşpandaryŋ. Şükırıŋ saǧan ol kezde kömektespeidı.