«Adal tūlǧa-2020» ūlttyq syilyǧy aiasynda QR BǦM qarasty «ADAL BILIM» jobalyq keŋsesı «Eŋ üzdık ūlttyq joba» nominasiiasyna ie boldy. Ūlttyq syilyqty QR Sybailas jemqorlyqqa qarsy ıs-qimyl agenttıgınıŋ töraǧasy Alik Şpekbaev tabystady dep habarlaidy «Adyrna» ūlttyq portaly «ADAL BILIM» jobalyq keŋsesınıŋ baspasöz qyzmetıne sılteme jasap.
Atalǧan marapatqa «ADAL BILIM» jobalyq keŋsesı bılım jäne ǧylym salasyndaǧy sybailas jemqorlyqtyŋ aldyn alu boiynşa jürgızgen jūmystary üşın ie boldy. Jobalyq keŋsenıŋ negızgı qyzmetterınıŋ bırı -mektepke deiıngı, orta, tehnikalyq jäne käsıptık, joǧary jäne joǧary oqu ornynan keiıngı bılım beru, ǧylym salasynda parasattylyqty qalyptastyru. Sondai-aq «ADAL BILIM» osy salalardy retteitın normativtık qūqyqtyq aktılerdı taldau jūmystarymen ainalysady.
«ADAL BILIM» jobalyq keŋsesı — memlekettık mekeme emes. Būl — qoǧamdyq jūmys. Bılım jäne ǧylym salasyndaǧy jemqorlyqtyŋ aldyn alu boiynşa jūmys ıstep jatqanymyzǧa 1 jyl ǧana boldy. Osy uaqyt aralyǧynda atalǧan salalar boiynşa tırkelgen zaŋ būzuşylyqtar boiynşa jūmys ıstep, jaqsy nätije körsetıp ülgerdık. «Eŋ üzdık ūlttyq joba» atanuymyz bızge ülken jauapkerşılık jükteidı. Aldaǧy uaqytta da elımızdegı sybailas jemqorlyq faktorlaryn barynşa azaitu üşın qyzmet etetın bolamyz», - dedı ADAL BILIM» jobalyq keŋsesınıŋ töraǧasy Talǧat Närıkbaev.
Atap öteiık, «ADAL BILIM» jobalyq keŋsesı 2019 jyldyŋ 2 şıldesınde M.S. Närıkbaev atyndaǧy KAZGIýU Universitetınıŋ bazasynda qūrylǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz