Bügın Nūr-Sūltan qalasynda «Auyl» Halyqtyq-demokratiialyq patriottyq partiiasynyŋ tızımımen QR Parlamentı Mäjılısıne ūsynylǧan kandidattar B.Tolegen, A.Kökeeva, Nūr-Sūltan qalasy maslihatyna ümıtkerler F. Engişev pen A.Elubaeva Qolöner şeberlerımen kezdestı.
Kezdesuge otandyq qolöner şeberlerı qatysyp «Auyl» partiiasy kandidattaryna öz önımderın körsettı. Şeberlerdıŋ basym bölıgı qandastar.
«Auyl» partiiasynyŋ kandidatarymen kezdesuge etno-dizainer, Euraziia Dizainerler Odaǧynyŋ müşesı, Qazaq Ūlttyq dizain akademiiasynyŋ akademigı Qazipa Qaliqyzy, Düniejüzı Qazaqtary Qauymdastyǧynyŋ Aqmola oblysy filialynyŋ basşysy, grafikalyq jarnama dizainerı Altyngül Mädenqyzy qatysty.
«Auyl» partiiasynyŋ kandidaty Bahargül Tölegennıŋ aituy boiynşa qazırgı kezde qandastarǧa memleket tarapynan jeŋıldetılgen, kepılsız nesieler qarastyrylmaǧan. Jaŋadan qonys audarǧandardyŋ 90 paiyzy äleumettık kömekke zäru, kepıldıkke beretın mülkı joq. Ükımetten berıletın bırrettık järdemaqy öte tömen jäne jetkılıksız. Köşı-qon kvotalaryn ornatudyŋ tıptı keregı joq. Qandastar özderı qonystanatyn jerlerın öz erıkterımen taŋdaityndai jaǧdai jasaǧan jön. Azamattyq alu mäselesınde eşqandai şekteu de, merzım de bolmauy tiıs. Sonymen qatar, qandastardyŋ jaŋa äleumettık ortaǧa tez beiımdeluıne jäne kırıguıne yqpaldasatyn arnaiy baǧdarlamalar jasau kerek - dedı Bahargül Tölegen.
Kezdesu soŋynda «auyldyq» kandidattar keluşılerge partiianyŋ sailaualdy baǧdarlamasynyŋ negızgı baǧyttaryn täptıştep tüsındırıp berdı.
Sailauǧa qatysatyn saiasi ūiymdardyŋ ışınde qandastardyŋ problemasyn öz sailaualdy baǧdarlamasyna bölek baǧyt retınde qosqan tek «Auyl» halyqtyq-demokratiialyq patriottyq partiiasy.
Bahargül Tölegen - tanymal toptamaşy-etnograf, Qazaqstandaǧy türkı halyqtarynda sirek kezdesetın altyn jäne kümıs būiymdarynyŋ bırden-bır jeke mūrajaiynyŋ iegerı bolyp tabylady. Qazaq ūlttyq kädesyilaryn jasap şyǧaratyn «Ädemı-Ai» kompaniiasynyŋ prezidentı.
Äigerım Kökeeva – «Auyl» partiiasy jastar qanatynyŋ jetekşısı.
