"Şäken Aimanov atyndaǧy "Qazaqfilm" AQ jaryqqa şyǧarǧan "Qūnanbai" filmı Ufa qalasynda qazannyŋ 26-y men 28-ı aralyǧynda ötken "Kümıs Aqbozat" atty III Halyqaralyq ūlttyq jäne etnikalyq kinofestivalınde Ämır Äbdırazaqov atyndaǧy "Ūlttyq ruh" jüldesımen marapattaldy", - dep habarlaidy "ADYRNA" "Qazaqfilm" AQ baspasöz qyzmetıne sılteme jasap.
Ş.Aimanov atyndaǧy «Qazaqfilm» AQ jaryqqa şyǧarǧan «Qūnanbai» filmı Ufa qalasynda qazannyŋ 26-y men 28-ı aralyǧynda ötken «Kümıs Aqbozat» atty III Halyqaralyq ūlttyq jäne etnikalyq kinofestivalınde Ämır Äbdırazaqov atyndaǧy «Ūlttyq ruh» jüldesımen marapattaldy.
«Qūnanbai» filmı – ataqty dala kemeŋgerı, qaradan şyǧyp han atanǧan Ūly Abaidyŋ äkesı – Qūnanbai Öskenbaiūlynyŋ önegelı ömırınıŋ bır kezeŋın qamtidy. Kartinanyŋ rejisserı Qazaqstannyŋ Halyq artisı, Memlekettık syilyqtyŋ iegerı, qazaq mädenietınıŋ körnektı qairatkerı, öner ardagerı Doshan Joljaqsynov.
- Şyǧarmaşylyq toptyŋ filmdı tüsırerdegı maqsaty: halqymyzdyŋ qūndylyqtaryn därıpteu arqyly, jastardyŋ boiynda ūlttyq ruhty oiatu boldy. Endı mıne, bügınde eŋbegımızdı baǧalanyp jatyr. Kartinany tüsıruge atsalysqan tüsıru tobyn osy jeŋıspen qūttyqtaimyn, - dedı filmnıŋ rejisserı Doshan Joljaqsynov.
Esterıŋızge sala ketsek, «Qūnanbai» tarihi körkem filmı byltyr qyrküiek aiynda prokatqa şyqqqan. Osy jyldyŋ qyrküiek aiynda Reseidıŋ Lipesk qalasynda ötken XII Halyqaralyq mūsylman kino festivalınıŋ negızgı baiqauynda körsetılgen bolatyn.
Al 30 qyrküiekte «Euraziia» kinofestivalı şeŋberınde atalmyş film Ūlttyq kinematografiia önerı jäne ǧylymy akademiiasy taǧaiyndaǧan «Tūlpar» ūlttyq kinojüldesımen marapattaldy. Basty röldı somdaǧan akter Doshan Joljaqsynov «Eŋ üzdık er adam rölı» jüldesımen, filmnıŋ kompozitory Tölegen Mūhamedjanov «Filmnıŋ eŋ üzdık muzykasy» jüldesımen, al kartinanyŋ qoiuşy suretşısı Rustam Odinaev «Eŋ üzdık suretşı-qoiuşy jūmysy» jüldesımen marapattaldy. Sonymen qatar, marqūm Talasbek Äsemqūlov jäne Doshan Joljaqsynov jazǧan filmnıŋ ssenariı üzdık dep tanyldy.
Halyqaralyq «Kümıs Aqbozat» kinofestivalı älem halyqtarynyŋ ruhani jäne mädeni qūndylyqtaryn nasihattauǧa, ūlttyq jäne etnikalyq baǧyttaǧy filmderdı tüsıruşı kinematografister şyǧarmaşylyǧyn därıpteuge, Resei aimaqtary jäne şeteldermen mädeni qatynasty damytu üşın arnaiy jasalǧan. Kinofestival Ufa qalalyq okrugı äkımdıgınıŋ qoldauymen Başqūrtstan ükımetı men Başqūrtstan Respublikasynyŋ mädeniet ministrlıgı, «Başqūrtstan» kinostudiiasynyŋ ūiymdastyruymen ötedı.
"ADYRNA"
