17 jeltoqsanda Qazaqstan Halyq partiiasynyŋ Astana qalalyq filialy elordadaǧy qoǧamdyq kölıkterdıŋ qauıpsızdıgıne monitoring jäne agitasiia jūmystaryn jürgızdı. Reid barysynda pandemiia jaǧdaiyna bailanysty sanitarlyq talaptar barynşa saqtaldy.
– Qaladaǧy qoǧamdyq kölık infeksiia men virus taralatyn oşaqqa emes, qauıpsız jerge ainaluy kerek, – dep sanaidy QHP ökılderı.
QHP belsendılerı men erıktılerı avtobus salondarynyŋ tolymdylyǧyn, ondaǧy äleumettık qaşyqtyqty saqtau mümkındıgın, sondai-aq jol jüru tölemın tekseretın baqylauşylar, jolauşylar, jürgızuşıler tarapynan karantindık normalardyŋ saqtaluyn (olardyŋ jeke maskalary, qorǧanys qūraldary jäne t.b. boluy kerek) tekserdı.
Qazaqstan Halyq partiiasynyŋ qalalyq filialy qoǧamdyq kölıkterge alǧaş ret monitoring jürgızıp otyrǧan joq. Ötken jyldyŋ jeltoqsan aiynda filialdyŋ belsendılerı men erıktılerı halyq tarapynan tüsken köp şaǧymdardan keiın avtobustardyŋ qysta qanşalyqty jiı jüretının, kölıkterdıŋ jüru intervalynyŋ qandai ekenın tekserdı. Nätije köŋılge quanyş ūialatpady.
– Qala tūrǧyndary kölıkterdı ūzaq kütetının aityp, şaǧymdanǧan bolatyn, – dedı QHP Astana qalalyq filialynyŋ jetekşısı Nūrdäulet Orazhanov.
Partiia belsendılerı mäselelerdı anyqtap, elorda äkımdıgıne jäne basqa da atqaruşy organdarǧa hat joldady. Atap aitqanda, problemalyq baǧyttar boiynşa jaŋa jelıler qosu, al būrynǧy baǧyttarǧa qosymşa kölıkter alu ūsynyldy.
Karantin kezeŋınde jaǧdai tübegeilı özgerdı.
– Qazırgı uaqytta bızdıŋ qala koronavirustyq pandemiiaǧa bailanysty «qyzyl aimaqta» ornalasqan. Alaida avtobus salondary adamǧa tolyp tūrady. Būl problema älı şeşılgen joq. Būryn azamattardyŋ dıttegen jerge keşıgıp keletını qiyndyq tudyrsa, endı qazırgı jaǧdai olardyŋ ömırı men densaulyǧyna qauıp töndırıp otyr, – dedı ol.
Qazır QHP belsendılerı tek kölıkterdı ǧana teksermeidı. Ökınışke qarai, köptegen azamattar jeke qauıpsızdık mäselelerıne de tym nemqūraily qaraidy.
– Mūndai adamdar özderıne jäne basqalarǧa qauıp töndıredı. Olar medisinalyq maskanay kimeidı nemese olardy dūrys paidalanbaidy, – dedı Nūrdäulet Orazhanov.
QHP belsendılerı avtoparkterdı, sondai-aq memlekettık organdardyŋ ökılderın qalalyq avtobustardy qauıpsız etuge şaqyrdy. Reid qorytyndysy boiynşa partiia müşelerı elorda äkımdıgıne hat joldap, tasymaldauşy kompaniialardyŋ basşylarymen kezdesuler ötkızdı.
QHP Astana qalalyq filialy
