Būl joldan ketu kerek

Öz basym bızdıŋ qoǧam adamzattyq deŋgeidegı mäselelerdı şeşuge, älemdık damuǧa at salysatyn masştabtaǧy dünielerdı jasauǧa daiyn emes dep oilaimyn. Bız öz ışımızdegı ūsaq-tüiek äŋgımelermen basy da, uaqyty da bos emes elmız. Anau satqyn, mynau jau, ol kezınde üitıp qoiǧan, būl süitıp qoiǧan degen taqyryptar bızge jaqyndau. Däl qazır solai... Bızge osynyŋ bärınen täuelsızdık alu kerek. Sana täuelsızdıgı. Oi-pıkır adamzattyŋ damu tarihyn jazatyndai masştabqa köterılgenı dūrys. Ainalamyzdaǧy elderde ne bolyp jatyr, olar qalai östı, öndı, damydy degen sūraqtardy özımızge de qoiu qajet. Qytai 2030 jyly jasandy intellekt boiynşa älemde bırınşı orynǧa şyqpaqşy. Osy saladaǧy tabystyŋ 60% Qytaidyŋ ülesıne tiedı dep boljanuda. Ol degen söz ekonomika, äskeri küş, tehnologiia boiynşa älemdı bileidı. Onyŋ ırgesındegı bız kım bolamyz?.. Keşe Resei prezidentı Ūlttyq qorynyŋ 580 mlrd dollarǧa deiın artqanyn atap öttı. Zamanaui qarulardyŋ jaŋa türlerın jasap jatqanyn da jetkızdı. Reseidıŋ de öz damu joly bar. Äsker men flot, soǧys memlekettıŋ ırgesın ūstap tūr. Özderı de moiyndaidy. Tehnologiiasy älemde bırınşı bolmauy mümkın, bıraq bızden joǧary. Türkı älemınde Türkiia köş ılgerı kettı. Bairaktar, Aksungur atty bespilotnikterın tolyq özı şyǧarudy közdep otyr. 2023 jyly elektr kölıkterın, keiın ūşqyşsyz basqarylatyn ūşaq, tıkūşaq şyǧarudy ıske asyrmaqşy. İzrail ekı qūlaqtyŋ ortasyndaǧy aqyldyŋ küşımen damyǧan memleket. Karabahtaǧy soǧysta "Harob" drondarynyŋ effektivtılıgın kördık. Medisinasy alda. Tızımdı jalǧastyra beruge bolady ǧoi... Bızdıŋ ükımet te tehnokrattyq sanaǧa eldı būruy tiıs. Joǧaryda atalǧan elderdıŋ barlyǧynda memlekettık qoldaudyŋ arqasynda ǧana jastary, ǧalymdary tehnokrattyq töŋkerıs jasauda. Memlekettık, Qazaqstandyq müdde tūrǧysynan būl bızge de qajet. Uaqyty ötıp barady. Keş qimyldaudamyz. Halyqtyŋ oiyn, jastardyŋ mümkındıgın, ūlttyŋ passionarlyq küşın osy salaǧa būruǧa tiıspız. İnvestisiia, qarjy osy salaǧa qūiyluy kerek. Qazırgı Reseidıŋ deputattary aitqan bır sözden şulap otyrǧanymyz bızdıŋ deŋgei emes. Būlai jalǧasa beruı de ülken syn! "Kelseŋ kel. Qazaqqa tiseŋ özıŋe de oŋai bolmaidy" degen tehnologiialyq küş, ekonomikalyq ösım, memlekettık müdde jolynda tolysqan qoǧamdyq sana boluy kerek bızde. Qazaq ūsaq-tüiek daudan bas kötere almai qalǧan. Būl jaqsy emes. Būl joldan ketu kerek. Kerısınşe ūlttyŋ küşın memlekettık müdde üşın tiımdı tehnokarttyq baǧytqa būru qajet. Effektivtı jol osy. Bızdıŋ zamanymyz, adamzattyŋ damuy osy baǧytta özgerıp jatyr. Mūny ısteu kerek. Istei almasa ısteitınderge joldy beru qajet. Köp qoi qazaqta talantty jastar. Qazırgımız bolmaidy.