Medisina qyzmetkerı nege marapattalmady?

Salpynşaq ülestıru mezetı bıttı me? Bıtse, bilıkke qarata bırer söz aitaiyq. Belgılengen statuty boiynşa, "Halyq alǧysy" medalı mūǧalımder men därıgerlerdı jäne pandemiia kezınde erekşe közge tüsken azamattardy marapattauǧa arnalǧan eken. Jön! Öte meiırımdı marapat! Bıraq pandemiia kezınde Kovid maidanynda qaza tapqan 182 medisina qyzmetkerı nege ūmyt qaldy? Olardy "posmertno" degen belgımen marapattauǧa bolmas pa edı?! Olar ındetpen keskılesken küreste "soǧys alaŋynda" erlıkpen qaza tapty! Keşe ǧana, bes-alty ai būryn qaza boldy! Öldı! Bıttı! Joq! Qazaq elın qaterden alyp qalu jolynda janyn bergen osy 182 bozdaqty ökımet ūmytty ma? Bıraq olardy ökımet ūmytsa da, olardyŋ bala-şaǧasy men tuǧan-tuystary, eŋbek ūjymdary, pasientterı, ölımnıŋ auzynan qaitqan ärbır adam ūmytpaidy (olardyŋ sany ondaǧan myŋ!). Eldı keşegı katastrofadan qūtqaryp qalǧan därıgerler edı. Endeşe olardyŋ qaza tapqan ärıptesterıne, şäiıt bolǧan bozdaqtardyŋ aruaq ruhyna "Halyq alǧysyn" aituǧa bolmas pa edı?