Donald Tramp äkımşılıgı AQŞ-tyŋ Reseidegı ekı Bas konsuldyqtarynyŋ jabyluy turaly jariialady. Sankt-Peterburgte konsuldyq 2018 jyly jabylǧandyqtan, Vladivostok pen Ekaterinburgte soŋǧy ekı bölımşelerı ǧana qalǧan.
Associated Press aituy boiynşa, ötken aptada AQŞ Memlekettık departamentı Vladivostoktaǧy konsuldyqty bırjolata jauyp, Ekaterinburgtegı konsuldyqtyŋ jūmysyn uaqytşa toqtatatyndyǧy jaily habardar ettı.
Agenttıktıŋ habarlauynşa, ekı konsuldyqtyŋ jabyluy jaily aqparat AQŞ Kongressıne 10 jeltoqsanda jıberılgen. Iаǧni būl AQŞ tarihyndaǧy eŋ ülken kiberşabuyl - Sunburst bolmai tūryp, üş kün būryn şeşılgen.
«Diplomattyq vizalarǧa bailanysty qiyndyqtar»
2017 jyly Resei bilıgı, jūmys ısteuge rūqsat berılgen AQŞ diplomattarynyŋ sanyn azaituǧa şeşım qabyldady. Būl AQŞ konsuldyqtarynyŋ jabyluynyŋ basty sebebı. Reseidıŋ 2017 jyly engızgen ştattyq şekteulerı diplomatiialyq vizalarmen bailanysty qiyndyqtardyŋ paida boluyna äkeldı.
TASS AQŞ Memlekettık departamentınıŋ ökılıne sılteme jasai otyryp, Memlekettık hatşy Maikl Pompeo osyndai şeşımge keldı dep habarlaidy.
Memlekettık hatşy Reseidegı AQŞ elşısı Djon Sallivanmen aqyldasa otyryp, diplomatiialyq missiianyŋ qauıpsız jäne senımdı jūmysyn qamtamasyz etu aiasynda Vladivostoktaǧy AQŞ Bas konsuldyǧyn jabu jäne Ekaterinburgtegı AQŞ Bas konsuldyǧynyŋ jūmysyn uaqytşa toqtatu turaly şeşım qabyldady.
TASS-tyŋ sūhbatşysy jūmysty oŋtailandyru üşın konsuldyqtardy jabu maqsatyn atady: «AQŞ-tyŋ Mäskeudegı elşılıgınde diplomatiialyq personaldy qaita qūru bızge Reseidegı syrtqy saiasi müddelerımızdı barynşa tiımdı jäne qauıpsız türde damytuǧa mümkındık beredı».
«Būl Reseidıŋ AQŞ-taǧy bas konsuldyqtaryna eş äser etpeidı», - dedı ol.
Pandemiia äserı
Konsuldyqtar jabylǧannan keiın AQŞ-tyŋ Reseidegı jalǧyz diplomatiialyq ortalyǧy Mäskeudegı elşılık bolady.
2018 jyly Ūlybritaniiada Skripaldardyŋ ulanuynan keiın Sietldegı Resei konsuldyǧy öz jūmysyn toqtatty. Nätijesınde, Resei AQŞ-tyŋ Sankt-Peterburgtegı Bas konsuldyqtyŋ jabyluyn talap ettı.
Nauryz aiynda pandemiiaǧa bailanysty Vladivostoktaǧy konsuldyq öz qyzmetterın ıs jüzınde toqtatty. Al qyzmetkerlerı jabdyqtar men qūjattaryn şyǧara bastaǧan. Vladivostok pen Ekaterinburgtegı konsuldyqtarda 10 amerikandyq diplomat jäne 33 reseilık qyzmetker jūmys ıstegen.
Konsuldyqtardyŋ qaşan jabylatyny naqty anyqtalǧan joq. Amerikandyq qyzmetkerler Mäskeudegı elşılıkke auystyrylyp, jergılıktı tūrǧyndar jūmystan şyǧarylady. AQŞ Memlekettık departamentınıŋ mälımetınşe, Vladivostoktaǧy konsuldyqtyŋ jabyluy jylyna 3,2 million dollar ünemdeuge mümkındık beredı.
Saldarynda, Reseidıŋ keŋ aumaǧy AQŞ-tyŋ diplomatiialyq ökıldıktersız qalady. Konsuldyqtyŋ azaiuy amerikandyq saiahatşylarǧa ǧana qolaisyz emes, reseilıkter de tek Mäskeude ǧana viza aluǧa mäjbür bolady.
Nauryz aiynan bastap Ekaterinburgtegı konsuldyq tek tötenşe jaǧdailarda qyzmet körsetedı dep şeşılgen bolatyn. Al Vladivostoktaǧy konsuldyqtyŋ qyzmetı pandemiiaǧa bailanysty tolyǧymen toqtatyldy. Būǧan Resei azamattary men amerikandyq qyzmetkerlerdıŋ densaulyǧyna alaŋdau sebep boldy. Sonymen bırge, Memlekettık departament konsuldyq Vladivostoktaǧy jūmysyn «jaǧdai jaqsarǧan soŋ» qaita bastaidy dep ümıttengen.
Jaqynda BBC-ge Ekaterinburgtegı konsuldyq qandai jūmystar atqaratynyn tüsındırıp öttı: «Bız immigrasiialyq emes vizalardy saiahaty gumanitarlyq maqsattarmen bailanysty, tötenşe jaǧdaidaǧy ötınış beruşılerge ǧana bere alamyz, mysaly, AQŞ-taǧy jaqyn tuystaryn jerleu nemese şūǧyl emdelumen bailanysty bolǧan kezde. Studentterge oquyn jalǧastyru üşın, sondai-aq ūşu jäne keme ekipajdarynyŋ müşelerıne de viza beremız.»
AQŞ-tyŋ Reseidegı būrynǧy elşısı Ekaterinburg pen Vladivostoktaǧy konsuldyqtardyŋ jabyluyna ökınış bıldırdı. «Būl qate. AQŞ Resei qoǧamymen tıkelei qarym-qatynas ornatuǧa ūmtyluy kerek, al konsuldyqtar ony jüzege asyruǧa kömektesedı. Men sailanǧan prezident Djo Baiden būl şeşımdı özgertedı dep ümıttenemın», - dep özınıŋ Twitter-de ekı qaladan tüsken suretterımen bırge jariialady.
Diplomatiialyq qaqtyǧys
2016 jyldyŋ jeltoqsanynda Mäskeu men Vaşington arasynda diplomatiialyq qaqtyǧys bastaldy. Qyzmetten ketıp bara jatqan prezident Barak Obama 35 reseilık diplomatty jäne olardyŋ otbasylaryn AQŞ-tan Otanyna qaitaruǧa şeşım qabyldady.
2017 jyldyŋ şıldesınde Resei AQŞ-tan Amerikadaǧy Reseidıŋ diplomatiialyq missiia qyzmetkerlerınıŋ sanyn 755 adamnan - 455 adamǧa deiın qysqartudy talap ettı. Osydan keiın Vaşington San-Fransiskodaǧy Resei konsuldyǧyn jabuyn ötındı. Al 2018 jyldyŋ nauryz aiynda Reseidıŋ diplomatiialyq missiiasynyŋ taǧy 60 qyzmetkerı qaitaryldy. Oǧan qosa, Skripalmen ulanuyna bailanysty Sietldegı konsuldyq jabyldy.
Kremldıŋ baspasöz hatşysy Dmitrii Peskov aituy boiynşa, Ekaterinburg pen Vladivostoktaǧy AQŞ-tyŋ bas konsuldyqtarynyŋ jabyluy ekı el arasyndaǧy qatynastaryna eşqandai äser etpeidı.
«Konsuldyqtardyŋ negızgı maqsaty konsuldyq jäne vizalyq qyzmetterdı ūsynu. Būl qyzmetter bızdıŋ jerımızdegı Amerikandyq ökıldıkterınde köpten berı jüzege asyrylmaǧan. Sondyqtan būl eşteŋege äser etpeidı. Eger sız jalpy qarym-qatynastar turaly aitatyn bolsaŋyz, onda būl şeşım oǧan da yqpal etpeidı» - deidı Dmitrii Peskov.
Derekközder:
- 2020/SŞA zakroiut poslednie dva konsulstva v Rossii
