Qazaqstan Parlamentı zeinetaqy jinaqtarynyŋ bır bölıgın qajettılıkterge maqsatty paidalanudy közdeitın «Qazaqstan Respublikasynyŋ keibır zaŋnamalyq aktılerıne ekonomikalyq ösudı qalpyna keltıru mäselelerı boiynşa özgerıster men tolyqtyrular engızu turaly» zaŋdy qabyldady. Būl turaly «Adyrna» ūlttyq portaly Qazaqstan Respublikasy Eŋbek jäne halyqty äleumettık qorǧau ministrlıgınıŋ resmi saityna sılteme jasai otyryp habarlaidy.
Zaŋǧa säikes 2021 jyldan bastap qazaqstandyqtarǧa zeinetaqy jinaqtarynyŋ bır bölıgın tūrǧyn üi jaǧdailaryn jaqsartuǧa, qymbat tūratyn emdeluge aqy töleuge nemese jeke basqaruşy kompaniialarǧa basqaruǧa beruge paidalanu qūqyǧy berıletın bolady.
Zeinetaqy jinaqtarynyŋ bır bölıgın naqty qajettılıkterge paidalanu qūqyǧyn kelesı azamattar paidalana alady:
- jūmys ısteitın, tiıstı jasta zeinetaqy jinaqtary «jetkılıktılık şegınen» asatyn azamattar;
- saqtandyru kompaniialarymen BJZQ-da qalǧan zeinetaqy jinaqtarynyŋ somasy şegınde ömır boiy annuitettık tölemderdı qamtamasyz etetın zeinetaqy annuitetı şarttaryn jasasqan adamdar;
- zeinetkerlıkke şyqqan azamattar (onyŋ ışınde äleuettı qūrylymdar qatarynan) - BJZQ-da qalǧan zeinetaqy qarajatynyŋ 50%-ynan aspaityn şekte. Eger olardyŋ zeinetaqysynyŋ jiyntyq mölşerı (jasyna bailanysty nemese eŋbek sıŋırgen jyldary üşın zeinetaqyny, bazalyq zeinetaqyny qosa alǧanda) joǧalǧan tabysty halyqaralyq standarttarǧa säikes keletın deŋgeide (kemınde 40%-ǧa) almastyrudy qamtamasyz etken jaǧdaida.
Belgılı bır jastaǧy salymşy üşın onyŋ tabysynan BJZQ-ǧa aldaǧy 10% tūraqty zeinetaqy jarnalaryn (eŋ tömengı jalaqydan az emes) eskere otyryp, eŋ tömengı zeinetaqy mölşerınen az bolmaityn zeinetaqy tölemderımen qamtamasyz etuge mümkındık beretın zeinetaqy jinaqtarynyŋ eŋ tömengı qajettı somasy «jetkılıktılık şegı» retınde qarastyrylady.
«Jetkılıktılık şegı» äielder men erler üşın bırdei belgılenedı jäne ärbır jas üşın esepteledı. Būl rette ol qalyptasqan parametrlerge (kırıstılık, infliasiia, eŋ tömengı tölem mölşerı jäne t. b.) süiene otyryp, jaŋa aluşylar üşın qaita esepteletın bolady.
Zaŋda sondai-aq joǧaryda atalǧan sanattaǧy azamattar zeinetaqy jinaqtarynyŋ bır bölıgın özderı, jūbailary nemese jaqyn tuystary (atalary/äjelerı, ata-analary, balalary, nemerelerı, aǧa-ınılerı/apa-sıŋlılerı) üşın tūrǧyn üi jaǧdailaryn jaqsartu maqsatynda nemese emdeluge aqy töleuge paidalana alady dep közdelgen. Maqsatty paidalanu üşın körsetılgen otbasy müşelerınıŋ qarajatyn bırıktıruge bolady.
Belgılengen talaptarǧa säikes kelgen jaǧdaida alyp qoiulardyŋ sany boiynşa şekteuler közdelmegen, iaǧni azamattardyŋ zeinetaqy jinaqtarynyŋ bır bölıgın sol bır ne basqa maqsatqa qaita paidalanuyna jol berıledı.
Zeinetaqy jinaqtaryn töleu esebınen tūrǧyn üi jaǧdailaryn jaqsartu tärtıbın QR İndustriia jäne infraqūrylymdyq damu ministrlıgı bekıtedı.
Azamattardy emdeluge jıberu qaǧidalaryn QR Densaulyq saqtau ministrlıgı aiqyndaidy.
Zeinetaqy aktivterın senımgerlık basqaruǧa beru qaǧidalaryn QR Qarjy naryǧyn retteu jäne damytu agenttıgı aiqyndaidy.
Zaŋ Memleket basşysyna qol qoiuǧa jıberıldı.
"Adyrna" ūlttyq portaly
