Almatynyŋ bas sanitarlyq därıgerı Jandarbek Bekşin Jaŋa jyl merekesıne bailanysty üige Aiaz ata men Aqşaqardy şaqyruǧa tyiym salatyn Qaulyǧa qol qoidy.
Qaluyǧa säikes Jaŋa jyl qarsaŋynda köpşılıkpen ötetın ıs-şaralarǧa tyiym salyndy. Iаǧni, 25 jeltoqsannan bastap 5 qaŋtarǧa deiın merekelık şaralardy ötkızuge rūqsat joq. Sondai-aq animatorlardy, iaǧni Aiaz ata, Aqşaqar jäne basqa da jaŋajyldyq keiıpkerlerdı somdap, üi aralaityn agenttıkterdıŋ jūmysyna şekteu qoiyldy.
Qūjatta balabaqşalar men mektepterde qosymşa kezekşı toptar aşuǧa da rūqsat joq ekenı aitylǧan. Sondai-aq, sauda, oiyn-sauyq ortalyqtary men qoǧamdyq tamaqtanu ortalyqtary belgılı bır şekteu şeŋberınde 23:00-ge deiın jūmys ısteitın bolady.
- Azyq-tülık satatyn dükenderdı jäne supermarketterdıŋ uaqytyn bız täulık boiy şektegen joqpyz. Özderınıŋ marketingtık jasaǧan jūmystarynyŋ nätijesıne qarap, salystyryp özderınıŋ rejimı boiynşa jūmys jasaidy. Sondyqtan bız olardyŋ jūmystaryn uaqyt boiynşa şektegen joqpyz, - deidı qalanyŋ bas memlekettık sanitarlyq därıgerı Jandarbek Bekşin.
Jandarbek Bekşinnıŋ sözınşe, soŋǧy aida koronavirus jūqtyrǧandardyŋ sany arta tüsken. Eger qaraşa aiynda 1400 tūrǧynnan COVID-19 anyqtalsa, jeltoqsan aiynyŋ basynda būl körsetkış 1600-den asyp tüsken. Būl ındettıŋ ösu qarqynyn körsetedı.
Qauly jeltoqsannyŋ 26-nan bastap küşıne enedı. Eske salsaq, Almaty qalasynda ındet taraluynyŋ jasyl deŋgeiınen saryǧa ötken täulık ışınde 90 adamnan koronavirustyq infeksiia belgılerı anyqtalǧan.
Duman Amanjolūly,
«Adyrna» ūlttyq portaly
