Qaznette maqsaty - aumaqtyq tūtastyqty būzu jäne Qazaqstannyŋ täuelsızdıgın joiu bolyp tabylatyn belgılı bır NOD ūiymynyŋ bar ekendıgı turaly habarlama paida boldy. Äleumettık jelılerdıŋ habarlauynşa, onyŋ basşysy Resei Memlekettık Dumasynyŋ deputaty Evgenii Fedorov, dep habarlaidy «Adyrna» ūlttyq portaly Tengrinews.kz-ke sılteme jasap.
Jelı qoldanuşylary NOD ūiymynyŋ aşyq jūmys ıstep, tıptı qazaqstandyqtar arasynan ūiymǧa jaŋa müşelerın qosyp, olardy Almaty men Nūr-Sūltandaǧy keŋselerıne şaqyratyndyǧy turaly habarlady. Osyǧan orai qalalyq polisiia Departamentı resmi mälımdeme jasady.
«Būl aqparat tekserıldı. Joǧaryda körsetılgen meken-jai boiynşa jäne jalpy astana aumaǧynda NOD dep atalatyn ūiymnyŋ ştab-päterı joq.Aqparat jalǧan, al būl ūiymda körsetılgen adamdar Qazaqstan azamattary emes. Arandatuşylyq äreketterge moiynsūnbauyŋyzdy sūraimyz»,-delıngen habarlamada.
«Adyrna» ūlttyq portaly
