"Älem hanymy – 2020" atanǧan Jūldyz Äbdıkärımovaǧa baiqaudyŋ lentasy men täjı resmi türde tabystaldy, dep habarlaidy «Adyrna» ūlttyq portaly Sputnik Qazaqstanǧa sılteme jasap.
Elordamyz Nūr-Sūltan qalasynda Jūldyz Äbdıkärımovaǧa "Älem hanymy-2020" baiqauynyŋ täjı men lentasy resmi türde tabystaldy. Olardy ūiymdastyruşylar Bolgariiadan poştamen jıbergen.
"24 jeltoqsan soŋǧy dauys beru künı boldy. Al 23 jeltoqsanda olar maǧan habarlasyp, poştamen täj ben lentany jıberıp jatyrmyz dedı. Bır kün būryn jönelttı. Öitkenı olar da, bız de Jūldyzdy eşkım basyp oza almaitynyn tüsınıp otyrmyz", - dedı baiqaudyŋ Qazaqstandaǧy resmi ökılı Arai Älımhan.Jūldyz Äbdıkärımova "Älem hanymy" atanǧanyn endı ǧana sezıngenın alǧa tartyp, qazırgı kezde qandai küide jürgenın aitty.
"Qasymdaǧy qyzdardyŋ bärı osy uaqytqa deiın qandai sezımdesıŋ dep sūrap jatyr. Şyny kerek, men osy uaqytqa deiın tolqyp jürdım. Sezınbedım. Basymda ol kezde täj bolmady. Jalpy "Älem hanymy" degen ataq alǧandardy sahnada körıp jatamyz. Resmi türde tabystaǧanyn endı sezındım", - dedı ol. Aita keteiık, biyl "Älem hanymy-2020" sūlulyq baiqauyna älemnıŋ tükpır-tükpırınen 86 ädemı kelınşek qatysty. Qazaqstan namysyn qorǧaǧan Qairat Nūrtastyŋ jary Jūldyz Äbdıkärımova olardyŋ arasynda top jaryp, konkurstyŋ Gran priın ielendı.
Sonymen qatar, atalmyş baiqauda taǧy bır qazaqstandyq aru baǧyn synady. Aiana Sūltanbekova dodaǧa Qazaqstannyŋ emes, Orta Aziianyŋ atynan qatysqan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz