Qazaqstanda qoldanystaǧy normativtık qūqyqtyq aktıler men bastamaşylyq jobalardy talqylaityn platforma ıske qosyldy.
«Basqa qoǧamdyq-saiasi platformalarda ǧylymi közqaras joq. Platformany qūruşylar ülken jūmys atqardy. Täjıribenı zertteu üşın ärıptesım ekeuımız Erevanǧa bardyq. Armeniiada qoǧam zaŋǧa qatty qyzyǧuşylyq tanytady, şamamen 30-40 myŋ adam osyndai alaŋdarda zaŋdy talqylauǧa belsendı qatysady», - dedı «ADAL BILIM» tıkelei efirınde Europalyq qūqyq jäne adam qūqyqtary saraptamalyq institutynyŋ direktory Marat Bäşımov «ADAL BILIM» tıkelei efirınde.
M.S. Närıkbaev atyndaǧy KAZGIýU Universitetı Provosty Sergei Pennıŋ aituynşa, www.kodeks.kz platformasy ǧylymi pıkırsaiysty ūiymdastyru üşınqūryldy.
«Biyl bız azamattyq zaŋnamany tūjyrymdama türınde jetıldıru boiynşa ǧylymi jobany qolǧa aldyq. Maqsaty – qalyptasqan instituttar men postulattarǧa qaramastan halyqaralyq täjıribege süiene otyra aşyqtyqty, ädılettılıktı qalyptastyru. Bız tek pıkırtalas alaŋyn ǧana emes, sonymen qatar tarihty, aqparat közın saqtauǧa mümkındık beretın platforma qūrdyq. Platforma halyqqa qandai da bır ūsynysqa qatysty pıkırtalastyŋ kezeŋderın tüsınuge, nätijeler men qoldanylǧan argumentterdı qorytyndylauǧa mümkındık beredı. Osy uaqytqa deiın bırde bır format tiıstı talaptarǧa sai kelmegen. Nege? Sebebı aşyq normativtık qūqyqtyq aktıler portalynda tek tızımı men pıkırler ǧana bar. Al akademiialyq qauymdastyq ökılderı üşın ol jetkılıksız. Olarǧa zaŋ jobasyn qoldaityn nemese oǧan qarsy bos pıkırler kerek emes, pıkırtalastyŋ kezeŋderı, prosestıŋ damuy turaly aqparat qajet», - dedı Sergei Pen.
Jobaǧa zaŋǧa bei-jai qaramaityn kez kelgen adam men zaŋ qoǧamdastyǧynyŋ qyzyǧuşylyq tanytqan ökılderı qatysa alady. Platformany jeke de, ūjymdyq türde de qoldanuǧa bolady. Būl är türlı iurisdiksiialardaǧy qūqyqtyq normalardyŋ mätınderın, sondai-aq olardyŋ akademiialyq sipattamalaryn tıkelei salystyrudyŋ funksionaldyǧyn paidalanuǧa mümkındık beredı. Sonymen qatar platformada barlyq aqparat qazaq jäne orys tılderınde ornalastyrylǧan.
ADAL BILIM jobalyq keŋsesınıŋ baspasöz qyzmetı
70-30-42
