Qazaqstanda zeinetaqy men memlekettık järdemaqylardyŋ mölşerı östı, dep habarlaidy «Adyrna» tılşısı Eŋbek jäne halyqty äleumettık qorǧau ministrlıgıne sılteme jasap.
Qazaqstanda 2021 jylǧy 1 qaŋtardan bastap jasyna bailanysty zeinetaqy mölşerı 7% - ǧa, bazalyq zeinetaqy men memlekettık järdemaqy mölşerı 5% - ǧa ūlǧaidy.
Nätijesınde bazalyq zeinetaqy tölemın eskere otyryp, eŋ tömengı zeinetaqy mölşerı 1 qaŋtardan bastap 61 796 teŋgenı qūraidy.
Būl ösım 2,2 mln zeinetkerge qatysty.
Būdan basqa, 2021 jylǧy 1 qaŋtardan bastap eŋ tömengı künkörıs deŋgeiı şamasynyŋ özgeruıne bailanysty järdemaqylardyŋ mynadai türlerı 5% - ǧa arttyryldy:
- mügedektıgı boiynşa jäne asyrauşysynan aiyrylu jaǧdaiy boiynşa memlekettık äleumettık järdemaqylar; - mügedektıgı bar balalardy tärbielep otyrǧan ata-analarǧa, qamqorşylarǧa memlekettık järdemaqy; - bala kezınen I-şı toptaǧy mügedekke kütım jasaityn otbasylarǧa (adamdarǧa) memlekettık järdemaqy.Ailyq eseptık körsetkış mölşerınıŋ ūlǧaiuyna bailanysty 1 qaŋtardan bastap kelesı järdemaqylardyŋ mölşerı 5% - ǧa artty:
- №1 jäne №2 tızımder boiynşa memlekettık arnaiy järdemaqylar; - bala bır jasqa tolǧanǧa deiın onyŋ kütımıne bailanysty memlekettık järdemaqylar; - bala tuǧanda berıletın bırjolǧy memlekettık järdemaqy; - «Altyn alqa», «Kümıs alqa» alqalarymen marapattalǧan nemese būryn «Batyr Ana» ataǧyn alǧan jäne «Ana daŋqy» ordenımen marapattalǧan köpbalaly analarǧa arnaiy memlekettık järdemaqylar, memlekettık järdemaqylar; - bırge tūratyn tört jäne odan da köp kämeletke tolmaǧan balalary, onyŋ ışınde kämelettık jasqa tolǧannan keiın bılım beru ūiymdaryn bıtıretın uaqytqa deiın (bıraq jiyrma üş jasqa tolǧanǧa deiın) orta, tehnikalyq jäne käsıptık, orta bılımnen keiıngı, joǧary jäne (nemese) joǧary oqu ornynan keiıngı bılım beru ūiymdarynda kündızgı oqu nysany boiynşa oqityn balalary bar köpbalaly otbasylarǧa berıletın memlekettık järdemaqylar; - Semei iadrolyq synaq poligonyndaǧy iadrolyq synaqtardyŋ saldarynan zardap şekken azamattarǧa jäne jappai saiasi quǧyn-sürgın qūrbandaryna taǧaiyndalǧan, bıraq tölenbegen bırjolǧy aqşalai ötemaqylar. «Mındettı äleumettık saqtandyru turaly» Zaŋǧa säikes MÄSQ-dan eŋbek etu qabıletınen airylu jäne asyrauşysynan airylu jaǧdailaryna tölenetın äleumettık tölemderdıŋ mölşerı de 5% - ǧa arttyryldy.
«Adyrna» ūlttyq portaly
