Şymkenttık belsendınıŋ üiıne tıntu jasalyp, özın ūstap äkettı

6 qaŋtarda Şymkent qalasynyŋ Qaratau audandyq polisiia basqarmasyna onnan astam adam jinalyp, bırneşe saǧat būryn üiıne tıntu jürgızılıp, özı ūstap äketılgen belsendı Nūrjan Mūhammedovtı bosatudy talap ettı. Belsendınıŋ äielı Baǧila Tekebaevanyŋ sözıne qaraǧanda, tıntu 6 qaŋtar tüske deiın bolǧan. Būl turaly «Adyrna» ūlttyq portaly Azattyqqa sılteme jasap habarlaidy. - Körşımnıŋ bärı "oibai, [üiıŋnıŋ aldynda] on mäşıneden artyq kölık tūr. Esık aldynda milisiia qaptap kettı" dep habarlasty. Bala-şaǧamnyŋ bärınıŋ telefony öşıp qalǧan. Sosyn jügırıp, taksi jaldap, üiıme barǧanşa, būlar alyp ketıp qalǧan. Üige kırıp, esıktı aşsam, balalarym "äkemdı äketıp qaldy" dep şyryldap tūr. Üidıŋ bärın şaşyp ketken. Qorqytqan, - dedı belsendınıŋ äielı Azattyq tılşısıne. Särsenbı künı tüsten keiın polisiia basqarmasynyŋ aldyna jinalǧan adamdar polisiia qyzmetkerlerınen Mūhammedovtı qandai negızde ūstap äketkenın tüsındırudı talap ettı. Ǧimarat syrtynda "bosatylsyn!" dep te aiqailady. Keiınırek tūrǧyndar aldyna şyqqan kezekşı prokuror Farabi Aitymbetov belsendı Nūrjan Mūhammedovtı Qylmystyq kodekstıŋ 405-bap 1-bölıgı boiynşa ("tyiym salynǧan ūiymnyŋ ısıne aralasu") tergep jatqanyn aitty. Prokurordyŋ aituynşa, būl ıs boiynşa Mūhammedovke küdıktı statusy berılgen. Bıraq ol ony qaşan bosatatyny turaly sūraqqa jauap bermedı. 46 jastaǧy Nūrjan Mūhammedov äielı jäne kämeletke tolmaǧan bes balasymen bırge Şymkenttıŋ Qaratau audanyndaǧy Qainarbūlaq saiajaiynda päter jaldap tūrady. Ol būǧan deiın "saiasi tūtqyndarǧa bostandyq" talap etken jiyndarǧa qatysyp, Qytai ekspansiiasyna, jerdıŋ satyluyna qarsy şyqqan. Sol üşın bırneşe ret äkımşılık jauapqa tartylǧan. Sot ony "zaŋsyz mitingılerge" qatysqany üşın bırneşe ret 5 künnen 15 künge deiın qamaǧan. Qaraşa aiynda belsendı "polisiiaǧa tıl tigızdı" dep aiyptalyp, 220 myŋnan astam (80 ailyq eseptık körsetkış) aiyppūl alǧan. 2019 jyly qaraşa aiynda belgısız bıreuler saiasi közqarasyn aşyq aityp jürgen belsendınıŋ aulasynda tūrǧan jeke kölıgınıŋ ainasyn şaǧyp, jürgızuşı oryndyǧyna ittıŋ basyn tastap ketken. Ol mūny azamattyq belsendılıgımen bailanystyrǧan. Būl turaly polisiiaǧa aryz tüsırgenımen, älı künge ittıŋ basyn kım tastaǧany anyqtalmady. Qazır Şymkentte Mūhammedovten bölek, kemınde üş belsendı: Erlan Faizullaev, Mūrat Aştaev, Nūrjan Äbıldaev 405-bap boiynşa küdıkke ılınıp, üiqamaqta otyr. Keibır mälımetke qaraǧanda, jalpy respublika boiynşa būl bappen küdıkke ılıngender 150-ge juyqtaidy. Qūqyq qorǧauşylar mäjılıs jäne mäslihat sailauy qarsaŋynda belsendılerdı qudalau küşeiıp, tıntu köbeigenın aitady.