2021 jylǧy 8 qaŋtarda «Auyl» Halyqtyq-demokratiialyq patriottyq partiiasy Almaty oblysyndaǧy «Baiserke-Agro» JŞS-gı bazasynda «Auyl – el yrzyǧynyŋ iesı!» aksiiasymen özınıŋ sailaualdy nauqanyn aiaqtady. Is-şaraǧa partiia töraǧasy Äli Bektaeva, QR Parlamentı Mäjılısı men barlyq deŋgeidegı mäslihattarǧa kandidattar qatysty.
«Auyl» partiiasynyŋ töraǧasy ügıt-nasihat jūmystarynyŋ qorytyndysyna toqtalyp, osy ıs-şarany ötkızu orny men formatyn taŋdau kezdeisoq emes ekenın atap öttı, öitkenı baǧdarlamalyq platformanyŋ basty baǧyty AÖK-tı damytu jäne auyldy jandandyru bolyp tabylady.
Ol bır ai ışınde barlyq öŋırlerde tolyq auqymdy ügıt-nasihat nauqany jürgızılgenın atap öttı. «Auyl» partiiasynyŋ ügıt jūmysy bır künge de toqtaǧan joq. Ügıt-nasihat jūmysynyŋ alǧaşqy künınen bastap respublikalyq jäne oblystyq BAQ-ta jariialaumen 200-den astam ıs-şara ötkızıldı. Bekıtılgen media-josparǧa säikes öŋırlerde QR Parlamentı Mäjılısınıŋ deputattyǧyna kandidattardyŋ qatysuymen tiıstı deŋgeide 300-den astam ıs-şara ūiymdastyryldy.
6000-nan astam ıs-şara oblystyq jäne audandyq mäslihattarǧa kandidattardyŋ qatysuymen respublikalyq jäne öŋırlık būqaralyq aqparat qūraldaryn tarta otyryp ūiymdastyryldy, oǧan «Auyl» partiiasynan deputattyqqa kandidattardyŋ käsıporyndar ūjymdarymen kezdesulerı, keŋester, döŋgelek üstelder, fleşmobtar kırdı. 20 jeltoqsannan bastap «Auyldan Auylǧa» respublikalyq aksiiasy bastaldy, onyŋ maqsaty eŋ şalǧai auyldardyŋ tūrǧyndarymen kezdesu jäne olarǧa partiianyŋ sailaualdy baǧdarlamasyn jetkızu. Osy uaqyt ışınde barlyq deŋgeidegı deputattyqqa kandidattar 2145 auylǧa bardy.
«Baiserke Agro» JŞS bazasynda ügıt-nasihat nauqanynyŋ soŋǧy kezeŋın ötkızu «Auyl» partiiasynyŋ auyl şaruaşylyǧyndaǧy joǧary innovasiialarǧa män beruımen tüsındırıledı. Däl osy jerde Qazaqstanda alǧaş ret önımdılıgı joǧary januarlardy ūstaudyŋ oŋtaily jaǧdailary jasaldy, süt sauu jäne ösımın molaitu boiynşa rekordtar ornatyldy, otandyq tūqymdardy seleksiialaudyŋ jaŋa ädısterı engızıldı. Qazaqstannyŋ köptegen fermerlerıne kompaniianyŋ agrarlyq ǧylym salasyndaǧy memlekettık-jekemenşık serıktestık jetıstıkterı älı künge deiın taŋ qaldyrady.
Äli Bektaevtyŋ pıkırınşe, Qazaqstannyŋ agrarlyq derjavaǧa ainalu prosesın jäne tiımdılıgı joǧary AÖK-nıŋ auyldardy damytuǧa äser etu äserın «Baiserke Agro» JŞS-de köruge bolady. Jyl saiyn ösıp kele jatqan osy kompaniianyŋ salyq audarymdary biudjettı jäne onymen bırge memlekettıŋ äleumettık mındettemelerın oryndau mümkındıkterın nyǧaitady.
Aksiia aiasynda ügıt-nasihat toby şaruaşylyqpen tanysyp, jergılıktı tūrǧyndarmen kezdesumen qatar, arnaiy körmenı tamaşalady, onda auyl şaruaşylyǧynyŋ jetıstıkterın öz közderımen kördı. Kandidattar jūmystyŋ joǧary deŋgeide ūiymdastyrylǧanyn, ärbır qyzmetkerdıŋ osy şaruaşylyqtaǧy käsıbilıgın atap ötıp, ärbır şaruaşylyqtyŋ öz jūmysynda osyndai nätijelerge qol jetkızuın tıledı.
«Auyl» dausy estıluı tiıs» ündeuın qoldau maqsatynda ıs-şara Arqabai kentınıŋ aumaǧynan äue şaryn ūşyrumen aiaqtaldy. Osylaişa, kandidattar «Auyl» partiiasy QR Parlamentınen laiyqty oryn alyp, Qazaqstannyŋ ärbır auyly da atalmyş auyl siiaqty baquatty jäne tartymdy boluyna qol jetkızetınıne senım bıldırdı.
Maqalaǧa qarajat «Auyl» Halyqtyq-Demokratiialyq
patroittyq partiiasynyŋ
sailau qorynyŋ qarajatynan tölendı
