QR Auyl şaruaşylyǧy ministrlıgı Reseidıŋ qazaqstandyq qyzanaqtardan virus tabyldy degen mälımdemesıne jauap berdı. Vedomstvonyŋ aituynşa, būl aqparat şyndyqqa janaspaidy, dep habarlaidy «Adyrna» tılşısı.
2020 jyldyŋ jeltoqsan aiynda veterinarlyq jäne fitosanitarlyq qadaǧalau jönındegı federaldyq qyzmet (Rosselhoznadzor) «Green Capital Kazakhstan», «Green Land Alatau» JŞS-nıŋ önımderınde qyzanaq jemısterınıŋ qauıptı virusy (Tomato brown rugose fruit virus nemese ToBRFV) anyqtalǧandyǧy jäne «Greenhouse-Qaztomat» JŞS-gı öndıretın qyzanaqty alyp keluge şekteu engızgenı turaly habarlama jıbergen.
Osyǧan bailanysty QR AŞM Agroönerkäsıptık keşendegı memlekettık inspeksiia komitetı şūǧyl türde resmi tekseru ūiymdastyrdy.
«Ösımdıkter karantinı jönındegı memlekettık inspektorlar, sondai-aq «Fitosanitariia» RMK, «Fitosanitarlyq diagnostika jäne boljamdar ädıstemelık ortalyǧy» RMM jäne «Respublikalyq ösımdıkter karantinı ortalyǧy» MM mamandary PTR-taldau jürgızu maqsatynda synamalardy alu üşın «Greenhouse-Qaztomat» JŞS-de komissiialyq tekseru jürgızdı. Taldau üşın Resei Federasiiasynyŋ «Bükılreseilık ösımdıkter karantinı ortalyǧynyŋ» jedel testterı qoldanyldy. Yqtimal qateler men kelıspeuşılıkterdı boldyrmau üşın zerthanalyq taldau ädısterı reseilık ūiymnyŋ mamandarymen bırge jasaldy. Saraptama qorytyndysy boiynşa «Greenhouse-Qaztomat» JŞS önımderınde ToBRFV virustary anyqtalǧan joq»,-dep mälımdedı ministrlık.
«Adyrna» ūlttyq portaly
