«Halyqaralyq teatr synşylary bırlestıgı» - «International Union of Theatre Critics» – elımızdıŋ jäne şeteldıŋ belgılı käsıbi teatrtanuşy mamandarynyŋ basyn bırıktıretın alaŋ. Bırlestıktıŋ basty maqsaty – bügıngı qazaq teatrynyŋ negızgı tendensiialaryn anyqtap, zamanaui teatr men dramaturgiia mäselelerın qarastyryp, onyŋ damuy jolynda jūmys jasau.
Bügınde elımızdegı teatrlarda bolyp jatqan şyǧarmaşylyq üderıs, onyŋ damu men baǧyt-baǧdary, repertuaryn jasaudaǧy ūstanǧan saiasaty, körermennıŋ qoiylymǧa keluı men qabyldauy t.b. mäselelerı jäne ol üderıstı der kezınde saraptamadan ötkızu otandyq jäne halyqaralyq teatr qaumdastyǧy, käsıbi mamandar jäne resmi memkemeler tarapynan qyzyǧuşylyq tudyryp otyr.
Osyǧan orai, ötken jyly negızı qalanǧan bırlestık biyl da dästürlı türde 2020 jyldaǧy Qazaqstan teatrlarynyŋ jasaǧan jūmystaryna käsıbi baǧalaryn berıp, sarapqa saldy. Jūmys nätijesın anyqtau maqsatynda arnaiy qūrastyrylǧan saualnama sūraqtary elımızdıŋ barlyq teatrlaryna jıberılgen. Atalmyş jyldyŋ 14 qaŋtar künı saualnamaǧa qatysqan teatrlardyŋ derekterı negızınde monitoring jūmysy jürgızılıp, şyǧarmaşylyq ärı sandyq körsetkışı boiynşa «Qazaqstan teatrlary – 2020» atty onlain konferensiia ūiymdastyrylyp, «SYNŞYLAR JÜLDESI» tabystaldy.
Osy tūsta elımızdegı Ūlttyq, akademiialyq, memlekettık oblystyq, qalalyq statusyn ielengen 60-qa juyq respublikalyq, oblystyq jäne qalalyq deŋgeidegı drama, muzykalyq drama, komediia, quyrşaq teatrlarynyŋ ışınen Almaty qalasynyŋ Memlekettık quyrşaq teatry tömendegı nominasiialar boiynşa ÜZDIK dep tanyldy:
- «Üzdık balalarǧa arnalǧan qoiylym – «Üişık» spektaklı»;
- «BAQ-pen üzdık jūmys jasaǧan teatr»;
- «Onlain formattaǧy eŋ belsendı teatr».
Sondai-aq, teatrdyŋ talantty rejisserı Anton Zaisev respbulika boiynşa üzdık TOP-5 rejisserler qatarynan tabyldy.
Aita keterlıgı, 2019 jylǧy nätije boiynşa Memlekettık quyrşaq teatry «BAQ-pen üzdık jūmys jasaǧan teatr», «Üzdık balalarǧa arnalǧan qoiylym» nominasiialary boiynşa da üzdık dep tanylyp, käsıbi mamandar tarapynan joǧary baǧaǧa ie bolǧan.
Bügınde ūlttyŋ ruhani qajettılıgın ötep, qazaqtyŋ quyrşaq teatry önerın örkendetıp, keşegı men bügıngı ömır arasyn önerdıŋ biık şyŋy arqyly şynaiy körsete bıludı maqsat tūtqan Memlekettık quyrşaq teatrynyŋ baǧyty men baǧdarynyŋ dūrys ekendıgın osydan aŋǧaruǧa bolady.
Gülım KÖPBAIQYZY
